Túrkistan oblysyndaǵy "Qaplanbek" keden beketinde myńǵa jýyq testileý preparatyn kórshi elge ótkizbek bolǵan О́zbekstan azamaty qolǵa tústi, dep habarlaıdy Egemen.kz Qazaqstan ulttyq arnasyna silteme jasap.
Shekaradan quny 3,6 mln. teńge bolatyn 56 qorap medısınalyq zatty О́zbekstanǵa alyp ótýge tyrysqan. Qolǵa túsken azamat taýardy Reseıden ákelgenin aıtty. Biraq keden beketinen ótý barysynda testterge deklarasııa tapsyrmaǵan. Zań buzý deregi boıynsha ákimshilik quqyq buzýshylyq is qozǵaldy. Shetel azamatyna 30 aılyq eseptik kórsetkish mólsherinde aıyppul salyndy.
Odan bólek,jumysshy toppen sońǵy 4 kún ishinde oblys aýmaǵynda 15 fakti anyqtaldy. Iаǵnı atalǵanf aktiler azamattarǵa joǵary baǵada dári dármek satý faktisimen ushtasqan. Atalǵan mán jaılar ýákiletti organmen qaralyp, tıisti sharalar qoldanayldy.
Jambyl oblysynda da dári-dármek tıelgen júk kóligin Reseıge tranzıttik jolmen jetkizemiz dep, jalǵan qujat jasap Qazaqstanda saýdalamaq bolǵandar ustaldy. Júk kóliginiń ishinde parasetamol, azıtromısın, ketonal syndy jıyrma túrli preparat bar. Tárkilengen dárilerdiń baǵasy 19 mln teńge. Bul preparattar oblystaǵy densaýlyq saqtaý basqarmasyna tapsyryldy. Endi Jaramdylyq merzimi aıaqtalmaǵandary óńirdiń medısınalyq mekemelerine taratylady.