Densaýlyq kúzetindegi dárigerlerge demeý kórsetý isi jalǵasyp jatyr. Igi shara Almaty oblysynyń barlyq aýdanynda ótýde. Kúni keshe Eńbekshiqazaq aýdanyndaǵy 25 aýyldyq okrýgtiń turǵyndary birlesip, medısna qyzmetkerleri men aýrýhanada em alyp jatqan naýqastarǵa qymyz jetkizdi, - dep habarlaıdy Egemen.kz.
Aýyl ákimderiniń uıymdastyrýymen bir kúnde 700 lıtr qymyz jınalǵan eken. Dárý sýsyn aýdandyq aýrýhananyń provızorlyq bóliminde jatqan em alýshylar men dárigerlerge usynyldy. El azamattary aýrýhanaǵa qymyzdan basqa qajetti azyq-túlik te jetkizip bergen. Al qymyz, saýmalmen qamtý endi turaqty bolmaq, ol úshin ár okrýg ákimderi kún saıyn 40 lıtr ulttyq sýsyn jetkizip erýdi moıyndaryna alypty.
Aıtpaqshy, Eńbekshiqazaq aýdanynyń atqa minerleri medısına qyzmetkerleri úshin qyzmettik kólikterinen bas tartyp, ózderine tıesli mashınany dárigerlerdi tasymaldaýǵa bergen eken.
Almaty oblysy