Ordabasy aýdany Qajymuqan aýyl okrýginde ornalasqan "Elnur-Aıdar" óndiris kooperatıvi tropıkalyq jemister men alma baýyn ósirýmen aınalysyp keledi, - dep jazady Egemen.kz.
Naqtyraq aıtsaq, búgingi tańda 1000 túp anar, 6000 túp alma, 707 kóshet lımon ósirip otyr. Byltyr bir jyldyq kóshettiń ózinen 4 tonnaǵa jýyq ónim alǵan kooperatıv lımonnyń ózinen bıyl 20 tonna ónim alýdy josparlaýda. Kooperatıvte 7 adam turaqty jumyspen qamtylyp otyr.
Sonymen qatar, Ordabasy aýdanynda qarqyndy baý kólemi artyp keledi. Qazirgi tańda aımaqta qarqyndy baý kólemi 400 gektarǵa jýyqtaǵan. Qajymuqan aýyl okrýgindegi «KazGarden» JShS-i jalpy quny 2 mlrd teńgege 240 gektarǵa baý egýdi qolǵa alǵan. Búginde 60 gektarǵa ekken, onyń 11 gektary qarqyndy alma baýy, 49 gektary súıekti jemis-jıdek. Onda 4 adam turaqty, 55 adam maýsymdyq jumyspen qamtylyp otyr.
Agrarly óńirde egin jáne mal sharýashylyǵy da damyǵan. Mysaly, Bórjar aýylyndaǵy "Sabyr" sharýa qojalyǵy iri qara mal men asyl tuqymdy qoı ósirýmen aınalysady. Qojalyqta qazirgi tańda 8383 bas ýaq mal bar, 22 jergilikti turǵyn jumys isteıdi.
Túrkistan oblysy