Sońǵy táýliktegi jaǵdaı boıynsha Jambyl oblysynda koronavırýs indetin juqtyrýdyń 3047 jaǵdaıy tirkelgen. Onyń ishinde 1416 naýqas jazylyp shyqqan, - dep habarlaıdy Egemen.kz
Olar dárigerlerdiń baqylaýyna alynyp, úı karantınine shyǵarylǵan. Sondaı-aq, 22 shilde kúngi jaǵdaı boıynsha Jambyl oblysynda koronavırýstyq ınfeksııanyń 48 jaǵdaıy tirkelgen bolsa, onyń 25-i sımptomdy, al 23-iniń klınıkalyq belgileri joq ekeni anyqtalǵan. Naýqastar negizinen Taraz qalasynan, Merki, T.Rysqulov, Talas jáne Qordaı aýdandarynan tirkelgen. О́kinishke qaraı, Talas aýdanynda jańa týǵan nárestede 2 jaǵdaı anyqtalǵan. Sonymen qatar, ártúrli jastaǵy turǵyndar da qaýipti indetti juqtyrǵan.
Degenmen, shuǵyl áreket etýdiń nátıjesinde búginde Jambyl oblysynda koronavırýs indetin juqtyrýshylar azaıyp keledi. Oblystyq ákimdiktiń málimetinshe, syrqaty aýyr ótetin, ıaǵnı klınıkalyq belgileri bar tasymaldaýshylar búginde juqpaly aýrýlar jáne ýaqytsha aýrýhanalarǵa jetkizilgen. Jeńil jáne ortasha dárejeli aýrýlary bar naýqastar úıde karantınge jatqyzylǵan. Olarmen baılanysqan adamdar da karantınge jabylǵan. Vırýs oshaqtaryna tolyqqandy dezınfeksııa sharalary júrgizilgen.
Jambyl oblysy