Myńdaǵan reseılik taǵy da sherýge shyqty. Habarovsk aımaǵynyń qamaýǵa alynǵan gýbernatory Sergeı Fýrgaldy qoldaýǵa baǵyttalǵan sanksııalanbaǵan aksııalardyń jalǵasyp jatqanyna ekinshi apta boldy.
О́tken senbi kúni sherýdiń jańa tolqyny bastalyp, oǵan on myńǵa jýyq adam qatysqan. «Erkindik», «Bul – bizdiń jer» dep urandatqan Habarovsk turǵyndaryn qoldaýshylar Reseı Federasııasynyń basqa da aımaqtarynan tabyldy. Sherý júrip jatqan óńirler arasynda Vladıvostok, Ońtústik Sahalın, Máskeý, Krasnodar, Iаkýtsk, Novosibir, Krasnoıarsk, Irkýtsk bar. Olar «Habarovsk, biz birgemiz», «Habarovsk – batyrlar qalasy» dep urandatýda. Aqparat agenttikteriniń jazýynsha, Vladıvostoktaǵy sherýde adam qarasy qalyń. Narazylar saıası tutqyndardyń isine alańdaýshylyq tanytýmen qosa, memleket basshylyǵynyń otstavkaǵa ketýin talap etetinin ashyq aıtyp jatyr. Tipti sherýlerde «Pýtın joq Reseıde turǵymyz keledi» degen jazýlardy kezdestirýge bolady.
Keshe sanksııalanbaǵan mıtıngterge qatysqan 14 máskeýlik jaýapqa tartyldy. Sonymen birge Iýrıı Dolgorýkıı eskertkishiniń aldynda 30 adam ustaldy. Olar Bas prokýratýraǵa Habarovskidegi jaǵdaıdy nazarǵa alyp, máseleni anyqtap, retteýge ótinish jazbaq bolǵan. Sonymen birge saıası tutqyndardyń isin qaıta qarap, mıtıng ótkizýge shekteýlerdi alyp tastaýdy talap etken.
Sońǵy derekterge súıensek, Habarovsk aımaǵynyń ózinde aksııalarǵa 50 myń adam qatysypty. Al úkimet qazir ashyq alańdardy jaýyp, kóshege shyqqandardy karantın tártibin buzdy degen aıyppen jaýapqa tartýda. Al 9 shildede ustalǵan Habarovskiniń burynǵy gýbernatory Sergeı Fýrgaldyń isi áli naqtylanǵan joq. 20 shildede ony memleket basshysy Vladımır Pýtın qyzmetinen bosatyp, ornyna Memlekettik dýma depýtaty Mıhaıl Degtıarevti taǵaıyndady. Habarovski turǵyndary ýaqytsha taǵaıyndalǵan basshynyń otstavkaǵa ketýin talap etýde.