Fýtzaldan Almatynyń «Qaırat» komandasy ishki chempıonattaǵy ýaqytsha úzilisti tıimdi paıdalanyp, quramyn kúsheıtip jatyr. Kúni keshe Rýmynııa ulttyq quramasynyń oıynshysy Savıo Valadarespen kelisimshartqa qol qoıdy.
1994 jyly Brazılııada týyp-ósken Savıo 2012-2016 jyl aralyǵynda óz elindegi «Botafogo» klýbynda óner kórsetti. Klýbpen kelisimsharty aıaqtalǵannan keıin tasqamal qorǵaýshy Valadares 2017 jyly Rýmynııaǵa qonys aýdardy. Sol eldiń Informatica Timisoara komandasynda eki jyl dop teýip, Rýmynııa azamattyǵyn aldy. Arada bir jyl ótkende ol Rýmynııanyń quramasymen birge 2018 jyly Slovenııada ótken álem chempıonatyna qatysty. Keıingi bir jylda Savıo Valadares Imperial Wet klýbynda oınady. Klýb baspasóz qyzmetiniń habarlaýynsha, rýmynııalyq fýtbolshy aldaǵy eki jylda «Qaırat» klýbynyń namysyn qorǵaıdy.
Pandemııaǵa baılanysty ýaqytsha toqtatylǵan chempıonattyń qashan bastalatyny ázirge belgisiz. Týrnır kestesinde almatylyq ujym 16 kezdesýden keıin 44 upaımen kósh bastap tur. Ekinshi orynda kele jatqan «Aqtóbe» 36 upaıdy enshilep otyr. Alaıda olardyń «Qaırattan» tórt kezdesýi artyq.