Kólik júrgizýshileri jol júrý baǵyttaryn aldyn-ala josparlaýy qajet, dep habarlaıdy elorda ákimdiginiń resmı saıty.
Qalalyq kólik jáne jol-kólik ınfraqurylymyn damytý basqarmasynyń habarlaýynsha, 26 shilde men 1 tamyz aralyǵynda Amman kóshesi boıymen Sharl de Goll kóshesinen J.Táshenov kóshesine deıingi ýchaskede, Sharl de Goll kóshesi boıymen Amman kóshesinen A. Toqpanov kóshesine deıingi ýchaskede jol-qurylys jumystaryn júrgizý josparlanǵan.Sondaı-aq, R. Dúısenbaev kóshesi boıymen Aspara kóshesinen Gersenge deıin jol jóndeý jumystary júrgiziledi. Osyǵan baılanysty 26-30 shilde aralyǵynda atalǵan kóshelerdegi ýchaskeler jabylatyn bolady.Sonymen qatar, Sharl de Goll kóshesinen Saraıshyq kóshesine deıingi ýchaskedegi M2 (Amman kóshesi-Máńgilik El dańǵyly) kópiriniń qurylysy boıynsha jol - qurylys jumystaryn júrgizý josparlanýda. Osyǵan baılanysty 26-31 shilde aralyǵynda qozǵalys toqtaıdy.Elorda turǵyndary men qonaqtary jolda keptelis jaǵdaıyn boldyrmaý úshin jol júrý baǵytyn aldyn-ala josparlaýy qajet.