Aıyppul arqalaǵandar qatarynda sýda dúkenderi, qoǵamdyq tamaqtaný oryndary, toıhanalar men kompıýterlik klýbtar bar, dep jazady Egemen.kz
О́tken senbi-jeksenbi kúnderi aımaqta karantın talaptarynyń saqtalýyn qadaǵalaýǵa 91 monıtorıngtik top shyǵyp, 395 nysandy tekserdi. Nátıjesinde shaǵyn bıznespen aınalysatyn 35 nysannyń sanıtarlyq-dezınfeksııalyq rejimdi buzǵany anyqtalyp otyr. Tártip buzýshylarǵa jalpy somasy 1 mln 511 myń teńge bolatyn aıyppul salyndy. Budan ózge 6 is sot qaraýynda jatyr.
Atap aıtqanda, Qostanaı qalasynda lokdaýn rejimi kezinde 28 nysan tekserilip, 6 tártip buzýshylyq anyqtaldy. Shekteý qoıylǵanyna qaramastan jumysyn toqtatpaǵan "Lotoklýb" kompıýter klýbyna, "Saýle" jáne "Nýr-El" dúkenderine, "Tehnodom" saýda jelisine, "First" kafesi men M.Dýlatov kóshesindegi toıhanaǵa ákimshilik hattama toltyryldy. Sondaı-aq Rýdnyı qalasynda 11 nysannyń lokdaýn talaptaryn buzǵany anyqtaldy.
Kenshiler qalasyndaǵy 6 dúkende satýshylar maskasyz jáne qolǵapsyz qyzmet kórsetkeni úshin jalpy somasy 333 myń teńge bolatyn 8 aıyppul salyndy. Meńdiqara aýdanyndaǵy 8 nysan da naq osyndaı somada aıyp arqalady. Al Fedorov aýylynda "Ivolga KST-Treıd" JShS ákimshilik jaýapqa tartylyp, 208350 teńge aıyppul arqalady.