Elimizde polıseıler 20 kún boıy dári alypsatarlaryna tekseris júrgizdi. Nátıjesinde, 604 derek tirkelipti. Jartysyna jýyǵy medısına salasynyń qyzmetkerleri. Olar preparattardy áleýmettik jeli arqyly naryq baǵasynan áldeqaıda qymbatqa satyp kelgen, - dep habarlaıdy Egemen.kz.
Túrkistan oblysynyń Jetisaı qalasynda bazardan zańsyz dárihana ashyp alǵandar anyqtaldy. Dárilik zattardyń 558 oramasy tárkilendi. Sondaı-aq óz úıinde kóleńkeli saýda jasaǵan Arys qalasynyń turǵyny ustalǵan. Batys Qazaqstanda da dáriger óz baspanasynda dári ótkizgen. Elordada baǵany kótergen 13 dárihana belgili boldy.
Tártip saqshylary reıd kezinde mıllıonǵa jýyq dári-dármek, 500 myńdaı maska jáne 36 myńnan asa qorǵanys quralyn tárkiledi.
Mundaı derek Almatyda da tirkeldi. Turǵyndy tekserý barysynda 100 tonna jasandy dárilik zat tabylǵan.
Buǵan baılanysty Senat depýtaty Muhtar Qul-Muhammed bas prokýrorǵa hat joldap, farmasevtıkalyq qoımalar men dárihanalardy tekserýdi usyndy. Sondaı-aq, jasandy dárilik preparattardy daıarlaýǵa qatysty jazany qataıtý qajet dep sanaıtynyn jetkizdi.