Jezqazǵanda epıdjaǵdaı turaqtandy

– О́ńirde indettiń ór­shýi birshama báseń­de­­gen­men, koronavırýs­pen kúres aıasyndaǵy is-shara­lardy uıym­dastyrý jumys­ta­ryn­da bo­sańsý joq bolar? Osy oraıda, qazirgi epı­­de­­mııalyq jaǵdaıǵa qys­qa­sha sholý jasap ótse­ńiz.

– Jalpy, dál qazirgi ýaqytta Jezqazǵan óńiri bo­ıynsha 2389 adamnyń ko­ro­­navırýs ınfeksııasyn juq­tyrǵany resmı túrde tir­kelgen. Naqtyraq aıt­saq, Jezqazǵanda – 849, Sátbaevta – 559, Ulytaýda – 17 adam. Naýqastar sanynyń ósýi 0,26%-dy quraıdy.

О́kinishke qaraı, 52 adam indet saldarynan qaıtys boldy. Kóp jaǵdaıda olar­dyń 60 jastan asqan jáne sozylmaly aýrýlary bar adamdar ekenin aıta ketken lázim. Al ınfeksııa juq­tyrǵandardy tirkeý bas­tal­ǵan sátten bergi ýaqyt ishinde 1465 pasıent saýy­ǵyp ketti. Búginde stasıonarlarda 218 naýqas em alýdy jalǵastyrýda.

Barlyq provızorlyq tósek sany 300 bolady. Qazirgi ýaqytta onyń 89-y ǵana bos emes. Iаǵnı tósek júktemeligi azaıǵan. Soń­ǵy eki ap­ta­daǵy taldaý epı­demııalyq jaǵdaıdyń jaq­­sa­ryp, aýyrǵandar sanynyń azaıǵanyn kór­setti.

Jedel josparǵa sáıkes provızorlyq jáne ınfek­sııa­lyq gospı­tal­dar­dyń tósek sany 810 orynǵa deıin arttyrylǵan. Atap aıt­qan­da, Sátbaev qalalyq ortalyq aýrýhanasy, Jezqazǵan qalalyq medısınalyq or­ta­­ly­ǵy­nyń Sátbaev klı­nıkasy, oblystyq ftı­zıo­­­pýl­mo­no­logııalyq orta­ly­ǵynyń Sátbaev bólim­she­si, Jezqazǵan qalalyq kópbeıindi aýrýhanasy, Jez­qaz­ǵan ýnıversıtetiniń jataq­hanasynda ornalasqan ınfek­sııalyq gospıtal, Jezqazǵan qalalyq kóp­beıi­ndi aýrýhanasynyń pýl­moprovızorlyq bólimi to­lyq qýatynda jumys istep tur. Budan bólek, «Keńgir» qonaqúıinde medısınalyq qyzmetkerlerge arnalǵan 100 tósektik karantındik stasıonar bar.

– Koronavırýspen kú­reste medısınalyq me­ke­­­­melerdiń tehnı­ka­lyq turǵyda jaraq­tan­­dy­rylýy mańyzdy ról atqa­ra­dy. Jal­py, óńir­de­gi sta­sıonarlar men gospı­tal­­­dar tıisti apparat­tar­men, qural-jab­dyq­­tar­­men qandaı dárejede qam­­tamasyz etilgen?

– «Qazaqmys» korpo­rasııa­synyń jáne shaǵyn bıznes ókilderi men jeke­le­gen aza­mat­tar­dyń demeý­shilik kómegi esebinen Jez­qazǵan jáne Sátbaev qala­la­rynda pandemııa kezinde 6 ókpeni jasandy tynystandyrý (О́JT) apparaty, 174 ottegi konsentratory, 28 pýlsoksımetr alyndy. Aldaǵy ýaqytta Qaraǵandy oblystyq den­saý­lyq saqtaý bas­qar­masy tarapynan 3 О́JT apparaty jáne 70 pýlsoksımetr sııaqty qosymsha jabdyqtar satyp alynbaq.

Budan basqa, medısınalyq gaz berýdiń orta­lyq­tandyrylǵan júıe­sin ornatý arqyly pa­sıent­­ter­di ottegimen qam­ta­ma­syz etý máselesi sheshildi.

Jezqazǵan óńirinde eki kompıýterlik tomografııa kabıneti jumys isteıdi. Alda­ǵy qazan aıynda Jez­qazǵan jáne Sátbaev qalala­ryn­da qosymsha taǵy da eki kompıýterlik tomograf ornatylady. Sonymen qatar qyrkúıek-qazan aılarynda eki zamanaýı sıfrly rentgen apparatyn satyp alý josparda bar. Munyń ózi tekserýdiń qoljetimdiligin arttyrady, aýrýdy der kezinde anyqtaýǵa, aýyr túrine aýysýyna jol bermeı, em júrgizýge múmkindik beredi.

Jezqazǵan óńiriniń bar­lyq turǵyndary ara­synda koronavırýs ınfek­sııa­­synyń taral­ýyn erte anyq­taý jáne aldyn alý maq­sa­tyn­da, áleýmettik baǵyttalǵan kompanııa re­tin­de «Qazaqmys» korporasııasy» JShS-nyń qoldaýymen «Jezqazǵan medısınalyq ortalyǵy» JShS bazasynda qýaty táýligine 500 zertteý testisin anyqtaýǵa jetetin PTR-zert­hana ashyldy.

Qazirgi ýaqytta barlyq stasıonarda jeke qorǵanys quraldarynyń aılyq qory bar jáne qosymshasyna ta­ǵy tapsyrys berilgen. Jez­qazǵan, Sátbaev qala­la­rynyń stasıonarlarynda dárilik preparattarmen qamtamasyz etý 95%-dy quraıdy. Barlyq bastapqy medısınalyq-sanıtarlyq kómek kórsetetin medı­sı­na­lyq uıymdar boıynsha quramynda jalpy praktıka dárigeri, feldsher, meıirbıkeler, júrgizýshi bar 12 mobıldi brıgada jumys isteıdi. Olar avtokólikpen jáne basqa da qajetti qu­ral­darmen tolyqtaı jab­dyq­talǵan.

Áńgimelesken

Qaırat ÁBILDA,

«Egemen Qazaqstan»

Qaraǵandy oblysy,

Jezqazǵan qalasy