ZIK kompıýterleri qazaqstandyq oqýshylardan suranysqa ıe, dep habarlaıdy Egemen.kz
Búgingi tańda "S.M. Kırov atyndaǵy zaýyt" AQ-da kompıýterlik tehnıka óndirisin oqshaýlaý deńgeıi 30%-dy quraıdy, bul rette zaýyttyń jobalyq qýaty aıyna 50 myń birlikke deıin kompıýterlik tehnıka shyǵarýǵa múmkindik beredi.
Qazirgi ýaqytta zaýyt Soltústik Qazaqstan oblysy Bilim basqarmasynyń qajettilikteri úshin aǵymdaǵy jyldyń 20 tamyzyna deıin 5 myń dana derbes kompıýterlerdi ornatýdy josparlap otyr. Zaýyt usynatyn kompıýterlik tehnıkanyń tehnıkalyq sıpattamalary uqsas ónimderden asyp túsetinin atap ótken jón.
Sondaı-aq QR Bilim jáne ǵylym mınıstrligi tapsyrysty aǵymdaǵy jyldyń 10 tamyzyna deıin ornalastyrǵan jaǵdaıda, zaýyt osy jyldyń 1 qyrkúıegine deıin 5 myń birlik kompıýter tehnıkasyn jáne a.j. 1 qazanyna deıin 40 myń birlik kóleminde shyǵarýǵa daıyn ekenin habarlaımyz.
Esterińizge sala keteıik, Zaýyt 2019 jyly otandyq kompıýterlik tehnıkany óndirý jobasyn iske asyrýǵa kiristi.
2019 jyldyń maýsymynda zaýyt Qytaıdaǵy kompıýterlik tehnıkanyń iri óndirýshileriniń biri – Great Wall sheteldik kompanııasymen uzaq merzimdi yntymaqtastyq týraly kelisim jasady.
Anyqtamalyq:
Zik kompıýterlerin shyǵaratyn zaýyttyń algorıtmi:
- 2019 jylǵy qarashada zaýytta kompıýterlik tehnıka óndirisiniń tehnologııalyq prosesi jolǵa qoıyldy;
- 2019 jylǵy jeltoqsanda "ST-KZ" nysanyndaǵy taýardyń shyǵý tegi sertıfıkaty jáne kompıýterlik tehnıkanyń apparattyq bóligine aqparattyq qaýipsizdik sertıfıkaty alyndy;
- 2020 jylǵy sáýirde zaýyt ónimi Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstrligi qalyptastyratyn "senimdi baǵdarlamalyq qamtamasyz etý jáne elektrondyq ónerkásip ónimderiniń tizilimine" engizildi;
- 2020 jyldyń mamyr aıynda Microsoft korporasııasymen zaýyt shyǵaratyn kompıýterlerge baǵdarlamalyq qamtamasyz etýdi ornatý týraly seriktestik kelisimge qol qoıyldy. Osy kelisim 2020 jyly 1 shildede kúshine endi;
- 2020 jyldyń shildesinde Zaýyt ónimderiniń partııasy qalalyq jáne aýyldyq bilim berý mekemeleri jaǵdaıynda paıdalaný synaqtarynan ótti. Synaq nátıjeleri boıynsha noýtbýkter keıbir parametrlerdi jaqsartý boıynsha usynystarmen bilim berý júıesinde paıdalanýǵa usynylady.