Senat depýtaty Erik Sultanov Soltústik Qazaqstan oblysyna sapary barysynda Qyzyljar, Aqqaıyń, Aıyrtaý jáne Esil aýdandarynda boldy. Oblys ákiminiń orynbasary Ǵanı Nyǵymetov iske asyrylyp jatqan áleýmettik jobalar men jalpy óńirdiń damýy týraly senatorǵa aıtyp berdi, - dep habarlaıdy Egemen.kz Parlament Senatynyń baspasóz qyzmetine silteme jasap.
О́ńirde depýtat Erik Sultanov memlekettik baǵdarlamalardyń, onyń ishinde «Aýyl – El besigi» baǵdarlamasynyń qalaı oryndalyp jatqanyna jeke kóz jetkizý úshin túrli nysandardy aralady. Qyzyljar aýdanynda senator 300 oryndyq mektep qurylysynyń barysymen tanysty. Aýdan ortalyǵyndaǵy halyq sanynyń artýyna baılanysty oqý oryndarynyń tapshylyǵy sezilýde, osyǵan deıin balalar úsh aýysymda oqyp keldi. Jańa oqý ornynyń boı kóterýi mekteptegi oryn jetispeýshiligi máselesin sheshetin bolady.
Al senator Erik Sultanov Astrahanka, Smırnovo jáne Antonovka aýyldarynyń turǵyndarymen kezdesip, atalǵan eldimekenderdi sýmen jabdyqtaý jáne abattandyrý máselelerin talqylady. О́ńirde halyqty aýyz sýmen qamtamasyz etý boıynsha belsendi jumys júrgizilýde. О́tken jyly Astrahan aýyldyq okrýginiń Qaratomar aýylynda sýmen jabdyqtaý jelilerin jóndeý jumystary júrgizildi. Búginde aýyl turǵyndary úıleriniń 80% - y ortalyq sý arnasynyń jelisine qosylǵan.
Depýtat Erik Sultanov jóndelgen balabaqshalar men mektepterge, sondaı-aq jańa aýdandyq feldsherlik pýnktke bardy. Senator aýdandar men shalǵaı aýyldarda jedel medısınalyq kómek kórsetý úshin medısınalyq pýnktter salýdyń mańyzdylyǵyn atap ótti. Bul másele, ásirese, elde koronavırýs pandemııasymen kúres júrip jatqan kezde ózekti.
Senator óz saparynda aýyl sharýashylyǵyn damytý taqyrybyna jiti nazar aýdardy. Erik Sultanov aýyl turǵyndaryn sútti mal sharýashylyǵyn damytýǵa, mal basyn kóbeıtýge shaqyrdy. Bul úshin túrli memlekettik qoldaý tetikteri bar ekenin de atap ótti. Sonymen qatar, depýtat óńirdiń sharýa qojalyqtarynda boldy. Sapar sońynda senator Erik Sultanov fermerlerge elimizdiń áleýmettik-ekonomıkalyq damýyna qosqan úlesteri úshin alǵysyn bildirdi.