Qazaqstan Prezıdenti Nursultan Nazarbaev belgili ekonomıst Djeremı Rıfkınmen kezdesý ótkizdi, dep habarlady Qazaqstan Prezıdentiniń baspasóz qyzmeti.
Qazaqstan Prezıdenti Nursultan Nazarbaev belgili ekonomıst Djeremı Rıfkınmen kezdesý ótkizdi, dep habarlady Qazaqstan Prezıdentiniń baspasóz qyzmeti.
Kezdesýde Qazaqstandy ındýstrııalandyrýdyń jaı-kúıi men keleshegi, respýblıkada «jasyl ekonomıkany» qalyptastyrý, sondaı-aq, álemdik qarjy-ekonomıka júıesiniń ózekti máseleleri talqylandy.
Nursultan Nazarbaev halyqaralyq jurtshylyqtyń búginde álemdegi ındýstrııalyq damýdyń kelesi kezeńine zor qyzyǵýshylyq tanytyp otyrǵanyn atap ótti.
– Qazaqstan da osy máselelermen aınalysýda, alaıda, elimizdiń bastapqy múmkindikteri shekteýli. EKSPO-2017 kórmesin paıdalana otyryp, biz bul baǵytty ilgeriletip, áleýetimizdi arttyryp, damýdyń odan arǵy strategııasyn belgilep alý nıetindemiz. Siz Úshinshi ındýstrııalyq revolıýsııa tujyrymdamasynyń avtory bolyp sanalasyz. Sondyqtan, osy ıdeıanyń qalaı iske asyrylyp jatqanyn, qazirdiń ózinde belgili bir nátıjelerge qol jetkizgen álem elderiniń pikirin bilý biz úshin qyzyqty, – dedi Memleket basshysy.
О́z kezeginde D.Rıfkın kezdesý úshin alǵysyn bildirip, elimizdiń astanasynyń áleýetin atap ótti. Ol Qazaqstannyń elimizde jańa tehnologııany endirýge, Azııa óńirinde jáne búkil álemde kóshbasshy bolýyna múmkindik beretin Úshinshi ındýstrııalyq revolıýsııanyń belsendi qatysýshysyna aınalýyna tilektestigin bildirdi. Sondaı-aq, D.Rıfkın Qazaqstan bastama retinde kótergen, álemde áldeqaıda ornyqty «jasyl ekonomıka» qalyptastyrýǵa baǵyttalǵan «Jasyl kópir» seriktestigi baǵdarlamasyna kóptegen álem elderiniń qyzyǵýshylyq bildirip otyrǵanyn aıtty.
Buǵan qosa, áńgimelesý kezinde EKSPO-2017 halyqaralyq mamandandyrylǵan kórmesin ótkizý máselesi jáne ony ótkizý aıasynda usynylatyn, Qazaqstan iske asyratyn ıdeıalar perspektıvasy sóz boldy.
-----------------------------------------
Sýretterdi túsirgender
S.BONDARENKO, B.OTARBAEV.