9 tamyzda Belarýs Respýblıkasynda prezıdent saılaýy ótti. Saılaý ýchaskeleri jabylyp, memlekettik ekzıtpoldyń nátıjesi jarııalanǵannan keıin Belarýstiń birneshe qalasynda oppozısııa músheleri narazylyq aksııasyna shyqty, - dep habarlaıdy Egemen.kz
Memlekettik ekzıt-poll Aleksandr Lýkashenkonyń 79,9 paıyz daýys alǵanyn habarlap, elde myńdaǵan adam narazylyqqa shyqty. Lýkashenkonyń basty qarsylasy Svetlana Tıhanovskaıa 6,8% daýys jınady.
BBC agenttiginiń habarlaýynsha, eń úlken narazylyq Mınsk qalasynyń ortalyǵynda ótti. Onda tártip saqshylary sherýge shyqqandardy taratý úshin flebbangtar qoldandy. Belarýs Ishki ister mınıstrligi bul jaǵdaıdy baqylaýda ustap otyrǵanyn habarlady. Degenmen, narazylyqtar men qaqtyǵystar tek Mınskide ǵana emes, eldiń basqa qalalarynda da jalǵasty.
Qazirgi tańda eldegi ınternet pen mobıldi baılanys buǵattaldy. Tipti memlekettik BAQ-tyń saıttary ashylmady.