Abaı adamzattyń Abaıy. Onyń tereń pálsapasy, mazmundy hám maǵynaly qara sózderi, nadan bolmaı, adam bolýǵa shaqyratyn máńgilik shyǵarmalary, rýhanı mol murasy, klassıkalyq ánderi kúlli adamzatqa ortaq.
Nemister Getesimen, orystar Pýshkınimen maqtanady. Al biz halqymyzdy órkenıettiń órine qaraı jetelegen, qalyń eldiń Abaıymen maqtana alamyz. Abaı eshkimge uqsamaıtyn bolmysymen, asqan darynymen álemdik dárejedegi dara tulǵa bolyp qala bermek. Ol qazaqtyń qasıetti topyraǵy týdyrǵan álemniń perzenti.
О́ıtkeni, aqynnyń dúnıetanymy, ozat oılary, salmaqty sózderi, ózektiligin joımaıtyn pálsapasy qaı jerde, qaı ortada, qaı elde bolmasyn ótimdi ári aktaýldi. Onyń adamzatqa aýadaı qajet týyndylary eshqashan ólmeıdi. Kerisinshe zerdelenip, zerttele beredi.
Rasynda, "Men bir jumbaq adammyn…" - degen ǵulamanyń syrly álemi áli de jumbaq. Abaıdy oqyǵan saıyn jańaryp, tazara beresiń. Tereńine boılaǵan saıyn oılana túsesiń. Myna sulý dúnıe esigin ashyp, rýhanı qundylyqqa umtylǵysy kelgen árbir adam, Abaıdyń shyǵarmalarymen etene tanysý kerek. О́ıtkeni, Abaı qaı zamanda bolmasyn uly kemeńger bolyp qalady. Abaıdyń oıy, aqynnyń tolǵanysy, danyshpannyń qaıǵysy – bútindeı tirshiliktiń úni, tutas qoǵamnyń sózi dep uǵynatyn ýaqyt keldi. Abaı adamzat tarıhynda endi qaıtyp kelmeıtin tulǵa.
Iá, Abaı nadandyqtyń qulpy, adamdyqtyń kilti. Abaı mektebi – rýhanııattyń káýsar bulaǵy! Onyń taǵlymyn tanyǵan kisi kemel keleshekke bet buratyny aqıqat. "Teginde adam balasy adam balasynan aqyl, ǵylym, ar, minez degen nárselermen ozady. Odan basqa nársemen ozdym ǵoı demektiń bári de – aqymaqshylyq" - deıdi danyshpan. Demek, biz Abaıdyń jaryq, nurly álemimen sýsyndaǵan saıyn, ǵylym, bilimge umtylyp, óner úırenemiz. Ondaı adamnyń bolashaǵy bulyńǵyr tartpasy haq.
Bıyl uly hákimniń 175 jyldyq mereıtoıy qarsańynda, Qazaqstan Jazýshylar odaǵy basqarmasynyń usynysymen Memleket basshysy Qasym – Jomart Kemeluly Toqaev 10 tamyzdy "Abaı kúni" dep belgiledi. Bul rasynda kóńil qýantarlyq jańalyq boldy. Shyn mánisinde "Abaı kúni" jaı ǵana ataýly kún emes. "Abaı kúni" – rýhanııat merekesi. Dál osy kúni árbir adam balasy Abaıdy qanshalyqty tanı aldym, qanshylyqty zertteı aldym, qanshalyqty júreginiń túbine tereń boılaı aldym dep, óz-ózine suraq qoıyp, soǵan jaýap berýi tıis dep esepteımiz. Anyǵynda, "Abaı kúni" rýhanı jańǵyrýdyń jarqyn úlgisi. Erlan DAKENOV, Nur-Sultan qalasy ákimdiginiń Memlekettik akademııalyq fılarmonııasynyń bas dırektory