Monıtorıng toptary sanıtarlyq-epıdemııalyq normalardy saqtaý boıynsha reıdterdi jalǵastyrýda. Bul týraly elorda ákimdiginiń resmı saıty.
Nur-Sultanda 7-9 tamyz aralyǵynda monıtorıng toptary karantın tártibin buzýdyń birqatar derekterin anyqtady. 7 tamyzdaǵy reıd barysynda "Gaýhartas" meıramhanasy men "Orıent klab" spa-salonynda karantın rejimi saqtalmaǵany anyqtaldy. Olarǵa aıyppul sanksııalary salyndy.
9 tamyzda monıtorıng toby keshki aralaý barysynda polısııa qyzmetkerlerimen jáne Esil aýdanynyń taýarlar men kórsetiletin qyzmetterdiń sapasy men qaýipsizdigin baqylaý basqarmasynyń ókilderimen birlesip Tequila laýndj-barynda jáne "Gınza" meıramhanasynda karantın rejımi buzylǵanyn anyqtady. Tártip saqshylary túsindirý jumystaryn júrgizip, osy nysandardyń basshylarynan túsinikteme alyndy.
Sondaı-aq, tekserýshiler "Halyqtyń sanıtarlyq-epıdemııalyq salaýattylyǵy salasyndaǵy zańnama talaptaryn buzý" baby boıynsha materıaldardy berý jáne ákimshilik hattamany resimdeý úshin baıanat jasady. Baıqońyr aýdanyn aralaý nátıjesinde "Panaehalı" barynda jáne "Nalıvalı" dúkeninde tártip buzýshylyq anyqtaldy. Mobıldi top músheleri nysandardyń menshik ıelerimen buzýshylyqtardy joıý týraly túsindirme ótkizdi.