Osydan dál 41 jyl buryn, ıaǵnı 1979 jyldyń 11 tamyzynda áýede qos birdeı "Tý-134A" ushaqtary soqtyǵysyp, borttaǵy 174 joldaýshynyń barlyǵy da qaıtys boldy, - dep habarlaıdy Egemen.kz.
Sol ushaqtyń birinde Tashkenttiń "Pahtakor" fýtbol klýbynyń 17 oıynshysy boldy. KSRO chempıonatynyń kezekti týrynda "Dınamoǵa" qarsy oınaý úshin ózbekstandyq komanda Mınskige attanyp bara jatqan edi. Alaıda 8 400 metrlik bıiktikte Chelıabi-Kıshınevke baǵytyndaǵy taǵy bir ushaqpen soqtyǵysty. Borttaǵy jolaýshylardyń barlyǵynyń da o dúnıege attandy. Ushaqtyń qańqasy men qaza bolǵan adamdardyń bólshekteri Ýkraınanyń Dneprodzerjınsk qalasynyń mańynan tabyldy. Sol oqıǵa jaıynda KSRO basshylary qansha jerden tis jarmaýǵa talpynǵanymen, shyndyqty jasyryp qalý múmkin bolmady. Qaraly habar tórtkúl dúnıege tez tarady. О́ıtkeni, bul álemdegi eń iri áýe apattarynyń biri edi.
Kóp uzamaı tekserý jumystarynyń qorytyndysy jarııalandy. Bul jerde dıspetcherlerden qate ketken eken. Solardyń aǵattyǵy orny tolmas qasiretke ákep soqtyrdy. Qaıtys bolǵan fýtbolshylardyń kóbi Tashkenttegi Botkın zıratynda jerlendi. Keıbiriniń denesi óz Otanynda jer qoınaýyna tapsyryldy.