Segizinshi tamyz kúni saǵat 23:00 shamasynda Qyzylorda oblysy Polısııa departamentiniń qyzmetkerleri men "Ohotzooprom" mamandarynyń birlesken jedel-izdestirý jumystary barysynda elimizdiń "Qyzyl kitabyna" engen janýarǵa myltyq kezegen qaskúnemder ustaldy, - dep habarlaıdy Egemen.kz
Jalaǵash aýdany aýmaǵynda júrisi kúdikti "Nıssan Patrol" avtokóligi toqtatylyp, jedel-tergeý toby kólikten qaraquıryqtyń denesin, bir tegis uńǵyly myltyq, oq pen pyshaq tapty.
Atalǵan derek boıynsha Qazaqstan Respýblıkasy Qylmystyq kodeksiniń 337-baby 4-bóligimen sotqa deıingi tergep-tekserý amaldary júrgizilýde.
Qazir kúdiktiniń biri Syrdarııa aýdandyq polısııa bóliminiń ýaqytsha ustaý ızolıatoryna qamaýǵa alyndy, ekinshisine bultartpaý sharasy qoldanyldy.
Tıisti saraptamalar taǵaıyndalyp, avtokólik aıyp alańyna qoıyldy. Oqıǵanyń mán-jaıy anyqtalýda.
"Jyl basynan tabıǵat qorǵaý zańnamalaryn buzýdyń 297 deregi tirkeldi. Onyń ishinde 22 qylmystyq jáne 274 ákimshilik quqyq buzýshylyq anyqtaldy",- dep atap ótti oblystyq Polısııa departamenti bastyǵynyń mindetin atqarýshy. polısııa polkovnıgi Shamshıdın Ámıtov.