Altaı Kólginov óziniń Instagram paraqshasynda qaladaǵy ınvestısııalyq jobalardyń júzege asyrylýy týraly aıtty dep, habarlaıdy ákimdiktiń resmı saıty.
"Pandemııa bastalǵannan beri birqatar qalalyq kásiporyndar medısınalyq maskalar tigýge kiristi. О́z tarapymyzdan barlyq qajetti kómekti kórsetemiz. Búgin maska tigýge kirisken taǵy bir kásiporynnyń jumysymen tanystym. Qazir bul kásiporyn aıyna 2 mln maska shyǵarady. Tolyq óndiristik qýaty - aıyna 5 mln maska. Investısııalyq keńeste qoldaý tapqan qubyr shyǵaratyn zaýyttyń qurylys barysymen tanystym. Ishki naryqta osy materıaldarǵa úlken suranys bar.
Turǵyn úı kommýnaldyq sharýashylyǵyn jańǵyrtý, jańa nysandar salý, jer asty ınjenerlik jelilerin aýystyrý jáne jıhaz fabrıkasynyń qurylysy t.b. kezinde qajet. Buǵan deıin ınvestısııalyq keńeste dári-dármekterdi taratý ortalyǵynyń (qoımasynyń), kóterme-taratý ortalyqtarynyń qurylysy da qoldaý tapqan bolatyn. Pandemııa mundaı jobalardyń qajet ekenin kórsetti. Ár ınvestormen jumys isteımiz. Investısııalyq keńeste qoldaý tapqan jobalardyń ishinde ınfraqurylymdyq, óndiristik, áleýmettik, logıstıkalyq jáne basqa da jobalar bar. Qurylys jeke qarajat esebinen júzege asyrylady", - dep jazdy Altaı Kólginov.