Jyl basynan beri elimizdiń porttary arqyly 3,4 mln tonna júk tasymaldandy. Bul týraly IIDM baspasóz qyzmeti habarlaıdy, dep jazady Egemen.kz
Bıylǵy 7 aıda elimizdiń teńiz porttary arqyly 3,4 mln tonna júk aýystyryp tıeldi. Bul - ótken jyldyń osy kezeńindegi kórsetkishke teń.
Teńiz porttarynda júk tasıtyn avtokólik quraldaryn aýystyryp tıeý kólemi 100 % artty. Iаǵnı, ol kórsetkish ótken jyly kórsetilgen ýaqyt kezeńinde 3 766 birlik bolsa, bıyl 7 540-qa jetti.
Sondaı-aq, konteınerlerdi aýystyryp tıeýde oń dınamıka baıqaldy. Bul kórsetkish 16% ósip, 17 079 birlikti qurady.
Otandyq saýda flotymen osy kezeńde Kaspıı teńizindegi porttar arasynda 1,32 mln tonna júk tasymaldandy. Onyń ishinde 7 910 konteıner Aqtaý – Baký fıder jelisiniń úlesinde.
Bıyl birinshi jartyjyldyqtyń qorytyndysynda ishki sý joldary boıynsha tasymaldaý kólemi 845,1 myń tonnany qurap, 2019 jylǵy kórsetkishten 65,8% ósti. Onyń ishinde 138 myń tonna Reseı baǵytynda boldy.
Shlıýzderdi kúrdeli jóndeý sheńberinde aýdany 6 610 m2 temir-beton qurylymdaryna jóndeý júrgizildi.