"Taraz-Arena" sport keshenine belgili sportshy, Olımpıada chempıony Jaqsylyq Úshkempirovtiń esimin berý usynyldy. Bul týraly Egemen.kz oblys ákimdiginiń baspasóz qyzmetine silteme jasap habarlaıdy.
Jambyl oblysy ákimdigi men máslıhatynyń birlesken usynysy máslıhattyń kezekten tys otyrysynda maquldandy.
Oblys ákimi Berdibek Saparbaev Jaqsylyq Úshkempirovtiń otandyq kúres mektebiniń qalyptasýy men damýyna, qazaqstandyq sporttyń joǵary deńgeıge kóterilýine qosqan úlesin atap ótip, halyq qalaýlylaryna bul bastamany qoldaǵany úshin alǵys aıtty.
Qaıta ataý jónindegi usynys Respýblıkalyq onomastıkalyq komıssııanyń qaraýyna jiberiledi.
Jaqsylyq Úshkempirov 1951 jyly 6 mamyrda Qazaq KSR Jambyl oblysy Sverdlov aýdany (Baızaq aýdany) "Chapaev" keńsharynda (Qazirgi Tegistik aýyly) dúnıege kelgen.