Ádildik partııaishilik saılaýdan bastalady

Sol sebepti de ár memleket pandemııa jaǵdaıynda da tórt qubylasyn teń ustaýǵa múddeli. Qazaqstandaǵy saıası ózgeristerdiń biri – saılaý aldyndaǵy praımerız.

Damyǵan elderdiń is-táji­rıbesin jiti zerdelegen Nur Otan partııasy saılaýǵa túsetin kandıdatty óz ishinde tańdaý úshin osy ádisti qoldanýda. Ol úshin partııaishilik irikteý ót­kizýdiń erejeleri bekitildi. Sol ereje boıynsha Qazaqstan Respýblıkasy Parlamentiniń Májilisine jáne barlyq deń­geıdegi máslıhattarǵa de­pý­tattyqqa, partııanyń, fı­lıal­darynyń organdaryna kan­dı­dattardy usynýǵa jáne mem­lekettik organdardaǵy laýazymdarǵa usynym ja­saýǵa arnalǵan partııalyq ti­zimderge odan ári engizý úshin al­dyn ala partııaishilik irik­­teý júrgiziledi. Iаǵnı praı̆­merız­diń negizgi maqsaty – saı­laýǵa túsý úshin básekelestik turǵyda jańa kóshbasshylardy tańdaý. El basyna kún týǵanda halyqqa kómek qolyn sozǵan partııa eldiń saıası áleýetiniń artýy úshin qıyn qystaý kezeńge qa­ramaı alǵa qadam basýda. Bul saılaýaldy partııaishilik irikteý. Praımerız erejesinde partııalyq jáne áleýmettik toptar boıynsha kvota qa­rastyrylǵan. Partııalyq kvota partııada kóp jyl eńbek et­ken bedeldi jáne halyq se­nimine ıe bolǵan, kásibı qyz­meti men qoǵamdyq ómirinde kóp jetistikke jetken kan­dı­dattarǵa beriledi. Al áleý­met­tik toptarǵa arnalǵan kvotaǵa kópbalaly analar, týǵan jerge oralǵan azamattar, múmkindigi shekteýli jandar jáne basqa da áleýmettik toptardyń ókilderi saılaýshylardyń óńirlik qu­rylymyna sáıkes engizilýi múmkin.

Praımerız ádisiniń utymdy jaǵy, birinshiden, bul shalǵaı eldi mekenderdegi partııanyń múshelerine óz oıyn ashyq aıtyp, josparyn jan-jaqty taldap kórsetýge jol ashady. Ekinshiden, úmitkerlerdiń saı­­laýaldy baǵdarlamalary ar­qyly turǵylyqty jer­le­rindegi ózekti máselelerdi kó­terip, onyń sheshilý joldaryn kórsetedi. Úshinshiden, bul partııanyń azamattarǵa ja­sap otyrǵan saıası múm­kin­­digi, ıaǵnı, óziniń talabyn dáleldegen úmitkerge partııa baspaldaǵynan odan ári kóterilýge jol ashatyn áleý­mettik lıft.

Nur Otan partııasy sózi men isi úılesken halyqtyń partııasy. Bir ǵana mysal keltirsek, koronavırýs taraǵan ýaqyttan beri halyqtyń áleýmettik jaǵ­daıyn kóterý maqsatynda bir­qatar ıgi sharalardy qolǵa aldy. Onyń biri Birgemiz qo­rymen birigip áleýmettik jaǵ­daıy tómen otbasylarǵa bir rettik 50 myń teńge berildi. Sondaı-aq dárihanalarda dá­ri tapshylyǵy sezilgen ýaqyt­ta dáriler men kúndelikti tu­tynatyn azyq-túliktiń ba­ǵa­syn qadaǵalap, qaltaly aza­mat­tar­dy qaıyrymdylyq is­ke jumyldyrýǵa muryndyq boldy.

Qazirgi qıyn jaǵdaıda qa­rapaıym halyqtyń psı­ho­logııalyq, moraldyq, ma­terıaldyq turǵydan tyǵy­ryqqa tirelgeni jasyryn emes. Depýtattar atyna da túrli syn-eskertpeler aıtylýda. El ishindegi osy jaǵdaıdy es­kere otyryp, partııa el basy­na túsken qıyn jaǵdaıdan shy­ǵýdyń jolyn qarastyryp, tıimdi jaǵyn qolǵa alyp, ony naqty iske asyrýǵa kúsh salyp otyr.

Aldaǵy ýaqytta Nur Otan par­tııasy alda kele jat­qan Má­jilis jáne barlyq deń­geı­degi saılaýǵa túskisi keletin aza­mattardy osy praımerız arqyly irikteıtin bolady. Eli­­­mizdiń turǵyndarynan óz aımaq­taryndaǵy partııa mú­she­leriniń ishinen sózi men isi úılesken isker, eldiń ár prob­lemasyna beıjaı qa­ramaı­tyn adal azamattarǵa daýys berý­ge shaqyramyn. Kez kelgen adam shaǵyn aýyldyń, sha­ǵyn aýdan­nyń nemese ob­lystyń  máselesin sheshe alsa, ol erteń memleket isin de dál sondaı ja­ýapkershilikpen at­qara alady dep bilemin. «Ulym deıtin eli bolmasa, elim deıtin ul qaı­dan bolsyn» dep alashtyń ar­daqtysy Ahmet Baı­tur­syn­uly aıtpaqshy, el­diń eńse­sin tiktep, týyn kókke kó­terer aza­­­mattarymyzdyń jo­lyn asha­ıyq.

Ábdimanap BEKTURǴANOV,

Májilis depýtaty,

Nur Otan partııasy fraksııasynyń múshesi