Syıymdylyǵy 1200-2000 myń oqýshyny qamtıtyn bilim nysandary mektepterimizge túsetin salmaqty azaıtýǵa múmkindik beredi, dep jazdy Nur-Sultan qalasynyń ákimi Altaı Kólginov Instagram paraqshasynda. Bul týraly elorda ákimdiginiń baspasóz qyzmetine silteme jasaı otyryp Egemen.kz habarlaıdy.
"Shaǵyn mektepterden góri syıymdylyǵy 1200-2000 myń oqýshyny qamtıtyn bilim nysandaryn salýǵa kóship jatyrmyz (eki aýysymda 4 myń orynǵa deıin). Bul sheshim mektepterimizge túsetin salmaqty azaıtýǵa múmkindik beredi.
Búgin T.Rysqulov jáne №36, E171 kósheleriniń qıylysynda ornalasqan oqý ornynyń qurylysyn kórip qaıttym. Bul mektep nysanyn bıyl paıdalanýǵa berýdi josparlap otyrmyz. Osy jyly salynatyn mektep sany – 12. 2021 jyly taǵy osynsha bilim nysany salynady.
Mektep, balabaqsha, turǵyn úı jáne basqa da áleýmettik nysandardy salǵan kezde dızaın-kod erejelerin ustanamyz. Memleket basshysynyń tapsyrmasyna sáıkes stılıstıkalyq turǵyda biryńǵaı, jaıly ári qaýipsiz qalany qalyptastyratyn dızaın-kod bekitildi", dep jazdy A.Kólginov.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.