Búgin Nur-sultandaǵy № 1 kópsalaly qalalyq aýrýhanasynan KVI-men aýyrǵan sońǵy naýqas shyǵaryldy. Infeksııalyq stasıonarǵa áıel 4 tamyzda túsken. Aýrýhanaǵa jatqyzar aldynda tekseristen ótken áıelden ekijaqty vırýstyq pnevmonııa anyqtalǵan. Bul týraly elorda ákimdiginiń baspasóz qyzmetine silteme jasaı otyryp Egemen.kz habarlaıdy.
"Aýrýhanadaǵy barlyq medısına qyzmetkerlerine rızamyn. Jyly qarym-qatynas tanytyp, naýqastar úshin úıdegideı jaǵdaı jasady. Dáriger tek dárimen emes, janymen de emdeı alatynyn sezindim", dep alǵys bildirdi áıel.
Naýqastyń aıtýynsha, ol 28 shildede ózin jaısyz sezinip, úıde emdelgen. Keıin densaýlyǵy jaqsarmaǵan soń aýrýhanaǵa barǵan. Ol klınıkalyq kórsetkishterge sáıkes dereý aýrýhanaǵa jatqyzyldy. Emdeýdiń tolyq kýrsy júrgizildi.
"1 kópsalaly qalalyq aýrýhana juqpaly aýrýlar stasıonaryna aınalǵan sátten bastap, 3,8 myńnan astam koronavırýs ınfeksııasy men aýyr jáne ortasha pnevmonııamen aýyratyn naýqas emdeldi. Olardyń shamamen 3,5 myńy syrqatynan aıyǵyp, úılerine oraldy", deıdi aýrýhananyń bas dárigeri Marat Ábdýov.
Atalǵan stasıonar jumysyna barlyǵy 367 dáriger jumyldyryldy. 18 tamyzdan bastap № 1 kópsalaly qalalyq aýrýhana ınfeksııalyq stasıonar retinde óz qyzmetin toqtatyp, shtattyq rejımde jumysyn jalǵastyrady.
18 tamyzdaǵy jaǵdaı boıynsha Nur-Sultanda qalanyń jeti stasıonarynda 301 naýqas KVI aýrýynan emdelýde. Qala boıynsha pnevmonııamen aýyratyn naýqastar sany 5 shildeden bastap 1 333-ten 179 adamǵa deıin azaıdy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.