Jastar tájirıbesi úshin tólenetin eńbekaqy 89 540 teńgeni quraıdy, - dep habarlaıdy Egemen.kz ákimdiktiń resmı saıtyna silteme jasap.
Elordalyq Jumyspen qamtý ortalyǵy jumys izdep júrgen jas mamandardy «Eńbek» baǵdarlamasy aıasynda «Jastar tájirıbesi» baǵyty boıynsha jumysqa ornalasýǵa shaqyrady.
Bul sońǵy úsh jylda oqý bitirgen túlekterge arnalǵan jumyssyz jastar úshin arnalǵan baǵdarlama. Jumysqa turýshynyń jasy jıyrma toǵyzdan aspaýy qajet.
Jastar praktıkasyna qatysqandarǵa jumyspen qamtý ortalyǵy aı saıyn - 89 540 teńge eńbekaqy tóleıdi, áleýmettik aýdarymdardy eskersek - 76 801 teńgeni quraıdy.Jastar praktıkasy ýaqytsha jumys. Uzaqtyǵy alty aıdan aspaıdy. Eger maman ózin dáleldese, onda turaqty jumysqa ornalasý múmkindigi bar.«Jastar praktıkasyna qatysý úshin jumyssyzdar jumyspen qamtý ortalyqtaryna qujat tapsyrady: jeke basyn kýálandyratyn qujattyń kóshirmesi; eńbek kitapshasynyń kóshirmesi (bar bolsa); tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilimniń bolýyn rastaıtyn qujattyń kóshirmesi», - delingen Jumyspen qamtý ortalyǵynda.Jastar praktıkasynan ótý merzimi eńbek kitapshasyna jazylady. Merzimi aıaqtalǵannan keıin, jumys berýshi jastar praktıkasyna qatysýshyǵa onyń ótinishi boıynsha usynys hat beredi.
Usynylǵan bos jumys oryndary men uıymdardyń tizimin ortalyqtyń saıtynda. Jastar praktıkasyna qatysý úshin +7 775 654 0790, +7 705 329 7719, + 717 257 89 12, +717 257 89 34 nómirine habarlasýǵa nemese proftest.cz@mail.ru elektrondy poshtasyna hat joldaýǵa bolady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.