«Jaqynyńa janashyr bol!» degen jaqsy bastamaǵa Jetisý jurtynyń bir kisideı jumylyp úles qosyp jatqanyn buǵan deıin de jazǵan edik. Osy ıgi úrdis áli de jalǵasýda, - dep habarlaıdy Egemen.kz.
Ásirese qaltaly azamattar tarapynan medısınalyq qural-jabdyq pen qajetti zattar satyp alyp, aýrýhanalarǵa tegin taratý dástúrge aınalǵandaı. Bul joly qaıyrym estafetasyn Alakól aýdanynyń jeke kásipkerleri jalǵady. Máselen «Yrys» sharýa qojalyǵy men «Aımanbetov» jeke kásipkerliginiń ıesi Ryskeldi Aımanbetov aýdandyq aýrýhanaǵa jalpy quny 5 mıllıon turatyn 20 jasandy tynys alý apparatyn syıǵa tartty.Bul jabdyq aýadan ottegi jasap, naýqastardyń tynys alýyna kómektesedi. Kásipker bul apparattardy Qytaı eline tapsyrys berip aldyrǵan.
"Igi bastamaǵa úles qosqan Ryskeldi Qabıulyna aýdan turǵyndary atynan alǵys aıtamyn. Jomart júrekti azamat osyǵan deıin de aýrýhanada jatqan naýqastarǵa qoldaý bildirip, 5 jasandy tynys alý apparatyn tartý etken bolatyn. Bul apparattar indetke shaldyqqan naýqastarǵa kómegin tıgizýde", - deıdi Alakól aýdanynyń ákimi Álibek Jaqanbaev.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.