Aǵymdaǵy jyldyń 13 tamyzynda Zań jobalaý qyzmeti máseleleri jónindegi vedomstvoaralyq komıssııanyń otyrysynda "Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly" Tujyrymdama maquldandy. Bul týraly Egemen.kz IIDM baspasóz qyzmetine silteme jasaı otyryp habarlaıdy.
Zań jobasyn qabyldaý 2020-2025 jyldarǵa arnalǵan "Nurly jol" ınfraqurylymdyq damý memlekettik baǵdarlamasy, QR Prezıdentiniń 2019 jylǵy 20 jeltoqsandaǵy Ulttyq qoǵamdyq senim keńesi otyrysynda QR Úkimetine bergen tapsyrmasy jáne 2019 jylǵy 25 shildede QR Premer-Mınıstriniń orynbasary bekitken "Baqytty bala – Baqytty ana – Baqytty otbasy – Baqytty el" jol kartasy, "100 naqty qadam" Ult josparynyń áýe tasymaldardy retteý tıimdiligin odan ári arttyrý bóligindegi 68-qadamy sııaqty mindetterdi oryndaý qajettiligine baılanysty bolyp otyr.
Zań jobasynda:
- kóliktik baqylaýdy júzege asyrý kezinde laýazymdy tulǵanyń tasymaldaýshymen tikeleı baılanysynan týyndaıtyn sybaılas jemqorlyq táýekelderin joıý;
- avtomobıl joldary men ınfraqurylymnyń saqtalýyn arttyrý;
- jolaýshylardy, bagajdy jáne júkterdi avtomobılmen tasymaldaý qaýipsizdigin kúsheıtý;
- ákimshilik kedergilerdi azaıtý;
- sıfrlyq qyzmetter sapasyn jaqsartý, qujattardyń qaǵaz nysandaryn alyp tastaý;
- avtomobıl joldarynyń aqyly ýchaskelerin damytý;
- jalpy eldiń kólik-tranzıttik áleýetin nyǵaıtý kózdelgen.
Zań jobasyn iske asyrý arqyly:
- kóliktik baqylaý júıesinde adam faktory men sybaılas jemqorlyq táýekelderin alyp tastaý;
- jolaýshylardy, bagajdy jáne júkterdi tasymaldaý qaýipsizdigin kúsheıtý;
- avtojoldardyń saqtalýyn arttyrý, tasymaldaýdyń balama túrlerin damytý;
- sıfrlyq qyzmetterdiń sapasyn jaqsartý, qujattardyń qaǵaz nysandaryn alyp tastaý;
- ákimshilik kedergilerdi azaıtý, qashyqtyqtan baqylaý nysanyna kóshý;
- ulttyq zııatkerlik kólik júıesin damytý, tasymaldaý qyzmeti úshin qolaıly jaǵdaılar jasaý;
- joldarda táýekelderdi baǵalaýdyń obektıvti jáne ashyq júıesin qurý;
- kólik salasyndaǵy zańdylyq pen quqyqtyq tártipti nyǵaıtý;
- avtojoldardyń aqyly ýchaskelerin damytý;
- jalpy eldiń kólik-tranzıttik áleýetin arttyrý sııaqty oń áserler bolýy tıis.
Atalǵan zań jobasy 2021 jyldyń birinshi jartyjyldyǵynda qabyldanady dep josparlanyp otyr.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.