Nur-Sultan qalasynyń mańyndaǵy Kishi Taldykól kólin qurǵatý jumystaryna sarapshylar men ǵalymdar tartylatyn boldy. Bul týraly Ekologııa, geologııa jáne tabıǵı resýrstar mınıstri Maǵzum Myrzaǵalıev málimdedi.
«Kishi Taldykól máselesine baılanysty Nur-Sultan qalasynyń ákimimen sóılestim. Bizdiń mınıstrliktiń paıymynsha, kóldi qurǵatý jumystary ekojúıeniń buzylýyna ákelýi múmkin», dep jazdy Maǵzum Myrzaǵalıev óziniń Twitter paraqshasynda.
Mınıstr aldaǵy ýaqytta ǵalymdar men ekolog sarapshylardy tarta otyryp, qala basshylyǵymen birlese osy máseleni tolyq zertteýge keliskenin, endi kez kelgen sheshim joǵaryda atalǵan mamandardyń qorytyndysyna saı shyǵarylatynyn jetkizdi.