Búgin eriktiler qart adamdarǵa áleýmettik kómek alý úshin ótinish toltyrýǵa kómektesedi. Bul týraly elorda ákimdiginiń baspasóz qyzmetine Egemen.kz silteme jasaı otyryp habarlaıdy.
"Astana jastary" jastar resýrstyq ortalyǵynyń eriktileriniń turaqty qamqorlyǵynda 150 zeınetker bar. Alaıda, karantın kezinde kómekke muqtaj qarttardyń sany artty.
"Tótenshe jaǵdaı kezinde bizdiń eriktiler barlyq zeınetkerlerge, Uly Otan soǵysynyń ardagerlerine, tyl ardagerlerine kómek kórsetti. Olarǵa azyq-túlik sebetteri jetkizilip, medısınalyq maskalar tegin taratyldy. Kóp qart adamdar dári-dármek satyp alý úshin úılerinen shyǵa almaıdy. Olarǵa dári-dármekterdi tabýǵa jáne satyp alýǵa kómek kórsetildi. Qalanyń 53 núktesinde zeınetaqylardy rásimdeý kezinde bizdiń eriktiler kezekterdi rettep, tegin medısınalyq maskalar men qol oramaldaryn taratýmen aınalysqan. Sebebi zeınetkerler kóp jaǵdaıda zeınetaqylaryn eskishe ádispen kartada emes, qolma-qol alady", dedi Shyńǵys Tleýlın, "Astana jastary" basshysy.
"Astana jastary" kómek kórsetetin zeınetkerlerdiń tizimi ardagerler keńesinde nemese ákimdikter janyndaǵy oblystyq áleýmettik qorǵaý basqarmalarynda beriledi. Búgingi tańda eriktiler qart adamdarǵa áleýmettik kómek alýǵa ótinish toltyrýǵa kómektesýde.
"Kóptegen zeınetker fızıkalyq múmkindikterine baılanysty ótinish bere almaıdy. Búgin biz Baıqońyr aýdanynan bastadyq. Munda kómekke muqtaj zeınetkerler kóp. Bizdiń eriktiler uıym usynǵan tizimge sáıkes mekenjaıǵa kelip, zeınetkerlermen birigip jumys jasap ótinish toltyrady. Osydan keıin ótinish jumyspen qamtý bólimimen jumys isteıtin uıymdarǵa beriledi", dedi Shyńǵys Tleýlın.
"Astana jastary" JRO eriktiler bólimi 2014 jyly ashylǵan. Qazirgi ýaqytta málimetter bazasynda eriktiler mektebinde arnaıy daıyndyqtan ótip jatqan 2000 erikti jumys isteıdi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.