Shymkent qalasynda jyl basynan beri «Eńbek» baǵdarlamasy aıasynda 600-ge jýyq múmkindigi shekteýli azamat jumysqa ornalastyryldy. Onyń 279-y turaqty jumysqa ornalasqan bolsa, 12-i áleýmettik jumysqa, 190 azamat qoǵamdyq jumystarǵa, 80 azamat ınfraqurylymdyq jumysqa jiberilgen. Al 29-y jastar praktıkasy jobasy kómegimen alǵashqy tájirıbe jınaqtady. Bul týraly qala ákimdiginiń Halyqty jumyspen qamtý ortalyǵy málimdedi.
Halyqty jumyspen qamtý ortalyǵy eńbekke qabileti bar barlyq múmkindigi shekteýli azamattarǵa jumyspen qamtý salasynda memlekettik qyzmetter túrin usynady. Atap aıtqanda jumyspen qamtýǵa yqpal etý, kásibı daıarlaý, jumyspen qamtýdyń belsendi sharalaryna qatysýǵa, jańa bıznes-josparyn damytyp grant alýǵa, arnaıy jumys oryndaryn qurý syndy qyzmetter kórsetedi.
Jalpy I,II,III toptaǵy múgedekter jumysqa jaramdy anyqtamalary arqyly jumysqa ornalasa alady. Onyń I, II toptaǵylarynyń tolyq emes jumys ýaqyty belgilengen, ıaǵnı 8 saǵat emes 6-saǵat jumys jasaıdy.
Qazirgi tańda Shymkent qalasynda 38 124 múmkindigi shekteýli azamat tirkelgen. Onyń ishinde 3 681-i birinshi toptaǵy múgedekter bolsa, 16 myńnan astamy ekinshi toptaǵy múgedekter, al 12283-i úshinshi toptaǵy múgedekter.