Syrtqy ister mınıstri Muhtar Tileýberdi BUU-nyń Qazaqstandaǵy Turaqty úılestirýshisi Norımasa Shımomýrany elimizdegi mıssııasynyń aıaqtalýyna baılanysty qabyldady, dep habarlaıdy Egemen.kz.
Dıplomattar elimiz ben Uıym arasyndaǵy yntymaqtastyqty odan ári tereńdetýge jáne keńeıtýge taraptardyń ózara yqpaldastyǵyn atap ótti.
BUU ókiline Prezıdent Qasym-Jomart Toqaevtyń atynan Alǵys hat tabystaldy. Syrtqy saıası vedomstvosynyń basshysy Turaqty úılestirýshige BUU-men qarym-qatynasty damytýǵa qosqan úlesi úshin, sondaı-aq Dúnıejúzilik uıym alańynda qazaqstandyq bastamalardy ilgeriletýge belsendi qoldaý kórsetkeni úshin alǵys aıtty.
N. Shımomýra óz tarapynan Qazaqstan Úkimetine syndarly yntymaqtastyq úshin alǵys aıtyp, QR men BUU arasyndaǵy berik jáne senimdi qarym-qatynastardyń odan ári damıtynana senim bildirdi.