Alık Shpekbaev Qasym-Jomart Toqaevqa Sybaılas jemqorlyqqa qarsy is-qımyl agenttiginiń bıylǵy 7 aıda atqarǵan jumystarynyń negizgi qorytyndylary týraly esep berdi, - dep habarlaıdy Egemen.kz Aqordanyń baspasóz qyzmetine silteme jasap.
Agenttik tóraǵasy saıası memlekettik qyzmetshiler men jaýapty basshylardy sybaılas jemqorlyqqa qarsy shara qoldanbaǵany úshin qyzmetinen bosatýǵa jáne normatıvtik-quqyqtyq aktilerdi jemqorlyqqa qarsy saraptamadan ótkizýdi qalpyna keltirýge qatysty Memleket basshysynyń buǵan deıin bergen tapsyrmalarynyń oryndalýy týraly baıandady.
Prezıdent memlekettik organdardyń jumysyna qyzmet kórsetý modelin engizýdiń mańyzdylyǵyn atap ótip, Agenttiktiń azamattyq qoǵam ókilderimen birge sybaılas jemqorlyqtyń aldyn alý jáne adaldyq ıdeologııasyn ilgeriletý jónindegi is-qımyldaryna oń baǵa berdi.
Kezdesý sońynda Memleket basshysy 19 tamyz kúni Sybaılas jemqorlyqqa qarsy is-qımyl jónindegi keńeste jemqorlyq qylmystar úshin jaýapkershilikti qatańdatyp, qoǵamdyq baqylaýdyń tıimdiligin arttyrýǵa qatysty berilgen tapsyrmalardy tezirek zań júzinde iske asyrýdyń qajet ekenin aıtty.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.