Oblys ákimi Arhımed Muhambetovtyń tóraǵalyǵymen "Jańa jahandyq naqty ahýalda Qostanaı oblysynyń bilim berý júıesin damytýdyń strategııalyq baǵdarlar" atty taqyrypty arqaý etken tamyz keńesine oblys qalalary men aýdandarynyń ákimderi, joǵarǵy oqý oryndarynyń rektorlary, bilim bólimderiniń basshylary, bilim berý mekemeleriniń dırektorlary men ustazdar qaýymy qatysty, dep habarlaıdy Egemen.kz.
Plenarlyq otyrys barysynda bilim salasyn damytýdyń strategııalyq baǵyttary sóz bolyp, ótken jylǵy jumys qorytyndysy shyǵaryldy.
Búginde óńirde 490 mektep jumys isteıdi. 109,1 myń oqýshy, 13 myń muǵalim bar. Jıynda jańa oqý jylyndaǵy bilim berý úderisi eldegi sanıtarlyq-epıdemııalyq jaǵdaı eskerile otyryp, birneshe baǵyt boıynsha uıymdastyrylatyny aıtyldy.
Bıyl shtattyq rejimde oqytatyn jalpy sany 15 myń oqýshysy bar 268 aýyldyq shaǵyn jınaqty mektep anyqtaldy. Jalpy sany 94 myń oqýshy oqıtyn qalǵan 222 mektepte oqý úderisi qashyqtan uıymdastyrylatyn bolady.
Shtattyq rejımde jumys isteıtin mektepterde tıisti sanıtarlyq sharalardyń iske asyrý úshin oblystyq bıýdjetten 30,5 mln. teńge bólindi.
Tamyz keńesinde birqatar bilim berý qyzmetkerleri marapattalady. Bıyl 300-ge jýyq pedagog joǵary marapattarǵa ıe boldy. 7 muǵalim «Y. Altynsarın» tósbelgisiniń ıegeri atansa, 8 muǵalim bilim berý qyzmetkeri «Bilim berý isiniń qurmetti qyzmetkeri» belgilerimen marapattalady.
Qostanaı oblysy