Jemqorlyqqa qarsy kúres tetikteri qaraldy

Otyrysta eki másele talqy­landy: «Memlekettik organdar qa­byldap jatqan kóleńkeli ekono­mıkaǵa qarsy is-qımyl jónin­degi sharalardyń tıimdiligi týra­ly» jáne «Memlekettik baqylaý men qadaǵalaýdy odan ári jetil­dirý, baqylaý obektilerin monı­to­rıngteýdiń tıimdi tetikterin jáne buzý­shylyqtardy anyqtaýdyń pár­mendi ólshemsharttaryn engizý».

Jıynda Ulttyq banktiń, Bas pro­kýratýranyń, Sybaılas jemqor­lyqqa qarsy is-qımyl agentti­giniń, Qarjy naryǵyn retteý jáne damytý agenttiginiń, Qarjy, Ult­tyq ekonomıka, Densaýlyq saqtaý mınıstrlikteriniń birinshi bas­shy­larynyń, sondaı-aq Kásip­ker­lerdiń quqyqtaryn qorǵaý jó­nindegi ýákildiń baıandamalary tyńdaldy.

Birinshi máseleni qaraý kezin­de kóleńkeli ekonomıkanyń memle­ketterdiń damýyna teris áseri, olardyń ekonomıkalyq qaýipsiz­digine qater tónýi jáne sybaılas jemqorlyq kórinisterimen tyǵyz ózara baılanysy talqylandy.

Atap aıtqanda, jekelegen sarap­tamalyq baǵalaýlar boıynsha eli­mizde kóleńkeli ekonomıkanyń kólemi IJО́-niń 20%-nan asady. Osyǵan baılanysty ony tómen­detý boıynsha birqatar sharalar qa­byldanýda, onyń ishinde, 2019-2021 jyldarǵa arnalǵan Kó­leńke­li ekonomıkaǵa qarsy is-qımyl jónindegi qabyldanǵan is-shara­lar jospary, salyqtyq jáne ke­dendik ákimshilendirýdi jetildirý, memlekettik satyp alýǵa qaty­sý­shylardy qazynashylyq súıemel­deýdi engizý, qolma-qol aq­sha­syz tólemderdiń ınfraqu­ry­lymyn damytý máseleleri qolǵa alynǵan.

Memleket basshysynyń tapsyrmasyn iske asyrý sheńberinde jeke jáne zańdy tulǵalardyń shottardan qolma-qol aqsha alý úshin somalardyń shekterin belgilegen normatıvtik quqyqtyq aktiler qabyldandy.

Qolma-qol aqshasyz tólemderdi paıdalanýdy keńeıtý jáne banktik emes tólem júıelerin damytý jónin­degi 2020-2021 jyldarǵa arnalǵan Jol kartasy bekitildi.

Quqyq qorǵaý jáne arnaıy organ­dar jedel aldyn alý is-shara­laryn jáne Kóleńkeli ekono­mıkaǵa qarsy is-qımyl jónin­degi birlesken jos­pardy iske asyrýda. Qabyldanǵan sharalar bólshek sektorda qolma-qol aqshasyz tólemderdiń ósýine qol jetkizdi. Sonymen qatar jyl saıyn aqshalaı qarajatty qolma-qol aqshaǵa aınaldyrýdyń jıyntyq kólemi ósýde.

Osyǵan baılanysty Prezı­­- dent­tiń «Igilik barshaǵa! Sabaq­tas­tyq. Ádildik. О́rleý» saılaýaldy baǵdarlamasy men «Birge» jal­py­ulttyq aksııasy barysynda alyn­ǵan usynystardy iske asyrý jó­nindegi sharalar Is-qımyl josparymen memlekettik organdardyń al­dyna kóleńkeli ekonomıka deń­ge­ıin 2021 jylǵa qaraı EYDU el­de­ri­niń kórsetkishine deıin, ıaǵnı 15-17%-ǵa tómendetý mindeti qoıyl­dy.

Ekinshi máseleni qaraý kezinde onyń kásipkerlerdiń quqyqtaryn qorǵaý salasymen tyǵyz baılanysy atap ótildi, onyń sheńberinde úl­ken maqsatty jumys júrgizilýde, al 2019 jylǵy 11 jeltoqsanda bız­nesti zańsyz ákimshilik qysymnan jáne qylmystyq qýdalaý qaýpi­nen qorǵaý problemalary Pre­zı­dent janyndaǵy Sybaılas jemqor­lyqqa qarsy is-qımyl máseleleri jónindegi komıssııanyń otyrysynda qaraldy.

Memlekettik baqylaý jáne qada­ǵalaý júıesin jańǵyrtý Qazaq­stan Respýblıkasynyń 2025 jylǵa deıingi Strategııalyq damý jos­parynda, Kásipkerlik qyzmetti mem­lekettik retteýdiń 2020 jylǵa deıingi tujyrymdamasynda jáne «Sıfrlyq Qazaqstan» memlekettik baǵdarlamasynda kózdelgen.

Bul baǵdarlamalyq qujattar tekserýlerdi qysqartýdy, baqylaý fýnksııalarynyń qaıtalanýyn boldyrmaýdy, táýekelderdi bas­qarý júıelerin avtomattandyrý­dy, anyqtaý men jazalaýdan aldyn alýǵa jáne retteýshilik talaptar­dy erikti oryndaýǵa qaıta baǵdar­laýdy jáne basqalardy kózdeıdi.

Qabyldanǵan sharalardyń bar­lyq spektri kópjyldyq, eskir­gen praktıkany, sondaı-aq mem­lekettik baqylaý jáne qadaǵalaý salasyndaǵy kózqarastar men tásilderdi aıtarlyqtaı ózgertýge múmkindik berdi.

Sonymen qatar olar atalǵan salada jetildirýdi qamtamasyz etý úshin áli de jetkiliksiz, al sıfrlandyrý salasyndaǵy progress bıznes-sýbektilerdiń qyzmetine aralaspaı monıtorıngtiń tıimdi tetikterin engizýge múmkindik beredi.

Sondaı-aq qaralatyn máseleniń ózektiligin kásipkerlerdiń Prezı­dent Ákimshiligine túsip jatqan sha­ǵymdary, «Atameken» Ulttyq kásip­kerler palatasy men bıznes-ombýd­smenniń pozısııalary kýálan­dyrady.

Otyrys qorytyndysy boıyn­sha Memlekettik hatshy Q.Kó­sher­baev kóleńkeli ekonomıkaǵa tıisti qarsy is-qımyldy qamtamasyz etý, sondaı-aq Memleket basshysynyń talaptary men baǵdarlamalyq qu­jattar aıasynda memlekettik baqy­laý men qadaǵalaýdy jetildirý jóninde tapsyrmalar berdi.