2020 jylǵy 28 tamyzdan bastap "City Transportation Systems" JShS jáne "Astana taxi service" JShS qala turǵyndary men qonaqtaryn betperde taǵý rejimin saqtaý týraly eskertýdiń jańa ádisin iske qosady, dep habarlaıdy Egemen.kz
Astana taxi service klıentterdi qulaqtandyrý júıesi avtohabarlaýshy jáne push-habarlama arqyly COVID-2019 qarsy turý sharalary týraly aqparat taratady.
Mátinde "Nazar aýdaryńyz! QR sanıtarlyq dárigeriniń 2020 jylǵy 26 maýsymdaǵy № 43 qaýlysyna sáıkes kólikte (sonyń ishinde taksıde) mindetti túrde betperde taǵý kerek", delingen. 3 tamyzdan bastap, ıaǵnı qoǵamdyq kólik jumysy qaıta jandanǵannan, CTS kóliktik baqylaý departamentiniń qyzmetkerleri jolaýshylardyń Bas memlekettik sanıtarlyq dárigeriniń qaýlysyn oryndaýyn, atap aıtqanda betperde taǵýyn kúndelikti baqylaıdy.
Betperde taǵý rejimin saqtamaıtyn jolaýshylarǵa túsindirý jumystary júrgiziledi. Betperde taǵýdan bas tartqan jaǵdaıda, olardy avtobýstan túsý suralady. Tamyz aıynda CTS kóliktik baqylaý departamentiniń qyzmetkerleri 2, 3 myń jolaýshyǵa eskertý jasady, 557 jolaýshy avtobýstan shyǵaryldy.
Eskertemiz, koronavırýstyń taralýyna qarsy turý úshin Qazaqstan turǵyndary betperdeni jabyq oryndarda, sondaı-aq kólikte jáne kóshede taǵýy kerek.