Shymkenttegi provızorlyq stasıonardyń birinen vırýstyq ınfeksııaǵa shaldyqqan sońǵy naýqas jazylyp shyqty. Qala turǵyny Tastanova Maqpal T.Orynbaev atyndaǵy gıperbarııalyq oksıgenasııa ortalyǵyna 19 tamyz kúni jedel járdem qyzmetimen jetkizilgen. Tekserý barysynda naýqasta eki jaqty vırýstyq pnevmonııanyń bary anyqtalǵan. Dárigerler naýqastyń jaǵdaıyn baıqap, birden em-dom sharalaryn júrgizgen. Densaýlyq jaǵdaıy jaqsarǵan kóp balaly anany dárigerler búgin arnaıy stasıonardan shyǵaryp saldy, dep habarlaıdy Egemen.kz.
"Ortalyqtyń barsha dárigerine alǵysym sheksiz. Balalarymdy qatty saǵyndym. Endi otbasymmen aman-esen qaýyshatyn boldym", deıdi kóp balaly ana.
Aıta keteıik, T.Orynbaev atyndaǵy gıperbarııalyq oksıgenasııa ortalyǵy juqpaly dert órshigen tusta prozızorlyq stasıonar retinde jumys istedi. Búginge deıin provızorlyq stasıonardan 400-ge jýyq naýqas dertinen aıyǵyp shyqqan. Endi medısınalyq uıym 1 qyrkúıekten bastap ınfeksııalyq stasıonar retindegi mindetin aıaqtap, shtattyq rejımdegi jumysyn bastaıtyn bolady