Qaraǵandy oblysy boıynsha qylmystyq-atqarý júıesi departamentiniń AK-159/20 mekemesinde jazasyn ótep jatqandar álemdegi eń iri ári mazmunǵa baı mádenı-tarıhı murajaılardyń birine onlaın ekskýrsııa jasady.
COVID-19 pandemııasyna baılanysty kóptegen murajaı óz esikterin onlaın rejiminde asha bastady, osylaısha ınternetke shyǵý múmkindigi bar adamdarǵa ózderiniń kórme zaldarynda ekskýrsııa jasaýǵa múmkindik berdi. Qaraǵandy oblysy boıynsha QAJD AK-159/20 mekemesinde jazasyn ótep jatqan azamattar álemdegi eń tanymal, kórkem mádenı-tarıhı mýzeılerdiń biri sanalatyn Reseı Federasııasynyń Sankt-Peterbýrg qalasynda ornalasqan «Memlekettik Ermıtajǵa» onlaın rejiminde ekskýrsııa jasady.
Murajaıdaǵy 365 zaldyń jalpy uzyndyǵy jıyrma bes shaqyrymdy quraıdy. Ermıtajdyń ár eksponatyna bir mınýt nazar aýdarý kerek bolsa, onda murajaıdy túgel kórip shyǵý úshin 6 jyl qajet bolady.
Is-sharadan keıin onlaın rejiminde ekskýrsııa jasaǵan jazasyn óteýshiler ózderiniń áserlerimen bólisti. Olar murajaı ózderiniń qyzyǵýshylyǵyn týdyrǵanyn, skıf altyn áshekeılerinen bastap ataqty Karl Faberjeniń jumysyna deıingi ártúrli dáýirlerdegi buıymdar, sondaı-aq qalpyna keltirý ortalyǵynyń tóbesi men aspaly baq boıynsha onlaın serýen jaqsy áser etkenin sóz etisti.
«Osy sharany uıymdastyrǵan AK-159/20 mekemesiniń qyzmetkerlerine alǵysymdy bildirgim keledi. Ekskýrsııa onlaın rejiminde ótse de, áseri mol boldy», deıdi AK-159/20 mekemesiniń sottalǵan qyzmetkeri.
Qaraǵandy oblysy boıynsha QAJD tárbıe bólimi bastyǵynyń mindetin atqarýshy, ádilet maıory Erlan Beısekeev mundaı is-sharalar sottalǵandardyń qoǵamda áleýmettik beıimdelýine múmkindik bere otyryp, tárbıe prosesine oń áserin tıgizetinin jetkizdi.