Búgin Úkimet otyrysynda Aýyl sharýashylyǵy mınıstri Saparhan Omarov Memleket basshysynyń Qazaqstan halqyna Joldaýy aıasyndaǵy tapsyrmalaryn iske asyrýǵa baǵyttalǵan sharalar jaıynda baıandady, dep habarlaıdy Aýyl sharýashylyǵy mınıstrliginiń baspasóz qyzmeti.
Mınıstrdiń aıtýynsha, kelesi "besjyldyqqa" AО́K damytý boıynsha ulttyq jobany ázirleý úshin QR AShM jumys tobyn qurdy. Onyń quramyna salalyq qaýymdastyqtar men fermerlerlik odaqtardyń basshylary, aýyl sharýashylyǵyn damytý salasyndaǵy halyqaralyq sarapshylar, "Atameken" UKP, bıznes jáne agrarlyq ǵylym ókilderi kirdi.
AО́K damytýdyń jańa baǵdarlamasynyń tujyrymdamasynda ishki naryqty otandyq azyq-túlikpen tolyqtyrý, aýyl halqynyń tabysy men eńbek ónimdiligin 2,5 ese arttyrý, AО́K ónimderiniń eksportyn 2 ese ulǵaıtý sııaqty birinshi dárejeli mindetterdi sheshý tetikteri qamtylatyn bolady.
Sondaı-aq, qarjynyń, jer resýrstarynyń qoljetimdiligin arttyrý, agrarlyq ǵylymdy damytý, salany sıfrlandyrý, veterınarııalyq jáne fıtosanıtarııalyq qaýipsizdik máseleleri pysyqtalatyn bolady.
О́ńdeýshi kásiporyndardyń qýattylyǵyn arttyrý úshin zákirlik kooperasııany damytý sharalar qolǵa alynady. Bul kooperasııa arqyly jeke qosalqy sharýashylyq pen shaǵyn fermerlerdiń áleýetin tamaq jáne jeńil ónerkásiptik kásiporyndardyń qajettilikterimen baılanystyrýǵa múmkindik beredi.
"Kooperasııanyń "Kúsh – birlikte" degen qaǵıdaty usaq taýarly óndiristiń básekelestik áleýetin arttyrýǵa múmkindik beredi. Osylaısha, iri ınvestısııalyq jobalardyń aınalasynda aýyl sharýashylyǵy shıkizatyn óndirý jáne qaıta óńdeý boıynsha ekojúıeler qurylady", dedi Saparhan Omarov.