Áleýmettik osal toptaǵy balalarǵa mesenattyq jáne qaıyrymdylyq qarajat esebinen qoldaý kórsetildi. Bul týraly elorda ákimdiginiń baspasóz qyzmetine Egemen.kz silteme jasap habarlaıdy.
Kópbalaly jáne az qamtylǵan otbasylardan shyqqae bastaýysh synypta oqıtyn alpys oqýshy dúkenderden keńse taýarlaryn satyp alýǵa sertıfıkat aldy. Árbir sertıfıkat nomınaly 10 myń teńge. Balalarǵa "Rýhanı jańǵyrý" jobalyq keńsesi Nur Otan partııasynyń "Birlik" fılıalymen birlesip kómek kórsetti.
"Men kópbalaly ana retinde balany mektepke jınaý qanshalyqty qıyn ekenin bilemin. Al qazirgi qıyn ýaqytta kóp otbasy qıyn jaǵdaıǵa tap boldy. Ásirese sondaı jandarǵa bizdiń qoldaýymyz qajet. Prezıdent Qasym-Jomart Toqaev óz Joldaýynda jaqyn adamdarǵa kómektesý qajettigin atap ótti. Memleket basshysynyń úndeýin tolyq qoldaımyn", dedi "Rýhanı jańǵyrý" jobalyq keńsesiniń lektory, bloger, kásibı koých Quralaı Oshaqbaeva.
Kópbalaly jáne kómekke muqtaj otbasylarǵa qoldaý mesenattyq jáne qaıyrymdylyq qarajaty esebinen kórsetildi.
"Múmkindigi shekteýli balalardy ıgi isterimen qoldap, kótermelep júrgenderi úshin úlken alǵys bildirgim keledi. Tek jaqsylyq bolsyn. Qazaqstanymyz kórkeıe bersin. Balalarymyz aman bolsyn!", deıdi kópbalaly ana Elnaz Týgetova.
Sonymen qatar, mektep oqýshylarymen kezdesýge mesenat Jáken Mansýra, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi Saltanat Tursynbekova da keldi.