Reseı Federasııasy Densaýlyq saqtaý mınıstrliginiń N. F. Gamaleı atyndaǵy Ulttyq epıdemıologııa jáne mıkrobıologııa ǵylymı-zertteý ortalyǵy osy aptada vaksınanyń birinshi partııasyn shyǵarýǵa ruqsat alady, - dep habarlaıdy Egemen.kz.
"Jaqyn arada, 10-13 qyrkúıek aralyǵynda biz partııany azamattyq aınalymǵa shyǵarýǵa ruqsat alýymyz kerek. Tıisinshe, osy sátten bastap halyqty vaksınasııalaý bastalady", - dedi RǴA korrespondent-múshesi Denıs Logýnov.
Buǵan deıin Reseıdiń Densaýlyq saqtaý mınıstri Mıhaıl Mýrashko "azamattyq aınalym" sózin halyqty, dárigerler men muǵalimderdi vaksınasııalaý dep túsindirgen bolatyn.
RF Densaýlyq saqtaý mınıstrligi Saýda jáne qyzmet kórsetý salasynyń qyzmetkerlerine, polısııa qyzmetkerlerine, áskerge shaqyrylýshylarǵa, stýdentter men mektep oqýshylaryna, áleýmettik qorǵaý, qoǵamdyq tamaqtandyrý qyzmetkerlerine, jumysy kóptegen adamdarmen (qonaq úıler, shashtarazdar, hımııalyq tazalaǵyshtar, bankter, kúzet kásiporyndary jáne basqalar) tikeleı baılanysta bolatyn basqa uıymdardyń qyzmetkerlerine jappaı ekpe saldyrýdy usynyp otyr.