Elbasy Nursultan Nazarbaevtyń "Uly dalanyń jeti qyry" maqalasyndaǵy "Uly adamdardy maqtan tutý kerek. Olardyń esimderi tarıhta joǵalmaýy kerek, búgingi kúnniń maqtanyshy bolýy kerek" degen sózderine súıene otyryp, Jambyl atyndaǵy Qazaq Memlekettik Fılarmonııasynyń ujymy mýzykalyq óner salasyndaǵy ótken jáne qazirgi zamannyń uly qaıratkerleriniń beınelerin qalyptastyrýǵa jáne olardyń shyǵarmashylyǵyn ulyqtaýǵa bastama jasady, dep habarlaıdy Egemen.kz.
Osy bastama negizinde Qazaqstan Respýblıkasy Mádenıet jáne sport mınıstrliginiń qoldaýymen Jambyl atyndaǵy Qazaq memlekettik fılarmonııasy 2020 jyldyń 30 qyrkúıegi men 4 qazan aralyǵynda KSRO Halyq ártisi Nurǵısa Tilendıevtiń 95 jyldyǵyna arnalǵan "Álqıssa" festıvalin ótkizýdi josparlap otyr.
Atalǵan festıval aıasynda N. Tilendıev atyndaǵy akademııalyq folklorly-etnografııalyq "Otyrar sazy" orkestriniń jáne shaqyrtylǵan ártister men ujymdardyń qatysýymen birqatar is-shara, sondaı-aq, 1-29 qyrkúıek aralyǵynda kórnekti kompozıtordyń shyǵarmalaryn oryndaýdan mýzykalyq mektepter, kolledjder men shyǵarmashylyq joǵary oqý oryndarynyń oqýshylary jáne mýzykalyq ujymdar ártisteri arasynda dombyrashylar men ánshilerdiń respýblıkalyq onlaın-baıqaýyn ótkizý josparlanýda.
Festıval baǵdarlamasy:
1 – 29 qyrkúıek dombyrashylar men ánshilerdiń respýblıkalyq baıqaýy;29 qyrkúıek 18:00 – onlaın-baıqaý jeńimpazdaryn jarııalaý;30 qyrkúıek 19:00 – fılarmonııa Úlken zalynda festıvaldiń ashylýy;1 qazan 16:00 – fılarmonııanyń Kameralyq zalyna N.Tilendıevtiń esimin berý saltanatty rásimi (barlyq sanıtarlyq talaptardyń qatań saqtalýymen). 19:00 – konsert
2 qazan 17:00 – mýzykatanýshylardyń qatysýymen N.Tilendıevtiń shyǵarmashylyǵyna arnalǵan konferensııa; 19:00 konsert
3 qazan 15:00 – fılarmonııanyń Youtube arnasy arqyly kompozıtordyń mereıtoıyna arnaıy daıyndalǵan derekti fılmniń kórsetilimi; 19:00 konsert
4 qazan 19:00 – festıvaldiń jabylýy, arnaıy shaqyrtylǵan ártisterdiń jáne onlaın-baıqaý jeńimpazdarynyń qatysýymen Gala-konsert.
"Baıqaýdyń maqsaty men mańyzy tereń. Uly kompozıtordyń shyǵarmashylyǵyn keńinen nasıhattaý, patrıotızmdi, rýhanı-adamgershilik úılesimdilikti damytý, jas mýzykanttardyń qalyptasýy men damýyna yqpal etý, olardyń shyǵarmashylyq áleýetin is júzinde iske asyrýǵa járdem berý, kórkemdik talǵamyn tárbıeleý, kásibı dástúrli mýzyka álemine tartý, Respýblıkalyq balalarǵa jáne jastarǵa bilim beretin mekemeler men ujymdardyń ózara ara-qatynasyn jáne tájirıbe almasýyn uıymdastyrý, keleshekte birlesken shyǵarmashylyq jumystar jasaýyna yqpal etý; Eńbek naryǵynda bolashaq mýzykanttar men oryndaýshylardyń básekege qabilettiligin qamtamasyz etý, olardyń shyǵarmashylyq belsendiligi men rýhanı bilim deńgeıin damytý jáne ulttyq mýzykalyq muraǵa degen yntasyn arttyrý", deıdi óner ordasynyń ujymy.
Baıqaý 1-29 qyrkúıek aralyǵynda onlaın formatta ótedi.
Baıqaý nomınasııalary:
• "Dombyra"
• "Vokal"
Qosymsha málimetti +7 702 8098007 telefon nómirinen nemeseonline_fest_otyrar@mail.ru elektrondy meken-jaıynan alýǵa bolady.