Almaty kolledjderinde medısına, pedagogıka jáne IT mamandyqtaryna baıqaý joǵary bolǵany anyqtaldy. Memlekettik tapsyrys boıynsha Almaty kolledjderine 11 myńnan astam adam qabyldandy, dep habarlaıdy Egemen.kz
Aǵymdaǵy jyly eldegi koronavırýs jaǵdaıyna baılanysty epıdemıologııalyq jaǵdaıǵa baılanysty kolledjderge qabyldaýdyń birqatar erekshelikteri boldy. Talapkerler densaýlyǵynyń qaýipsizdigin qamtamasyz etý jáne adamdardyń kóp shoǵyrlanýyn boldyrmaý maqsatynda kolledjderge qabyldaý attestattyń jıyntyq konkýrstyq baly boıynsha júzege asyryldy.
Almaty qalasy Bilim Basqarmasynyń habarlaýynsha, alǵash ret qujattardy qabyldaý elektrondyq úkimet portaly arqyly júzege asyryldy. Sondaı-aq, talapkerler tikeleı kolledjge qujat tapsyrý múmkindigine ıe boldy. Ol úshin barlyq qajetti sanıtarlyq-epıdemııaǵa qarsy sharalar qabyldandy.
Barlyq kolledjderde qabyldaý komıssııalary talapkerlerdiń mindetti pánder baǵalaryn (9 jáne 11-synyptarǵa arnalǵan qazaq nemese orys tilderi, Qazaqstan tarıhy), sondaı-aq talapker túsetin mamandyqqa baılanysty eki beıindik pándi kórsete otyryp, tizimin qalyptastyrdy. Baıqaý rásiminiń ashyqtyǵyn qamtamasyz etý úshin bul aqparat kolledjderdiń saıttarynda jarııalandy.
"Pedagogıkalyq, medısınalyq mamandyqtar shyǵarmashylyqtyń qajet etetin mamandyq bolǵandyqtan, talapkerler arnaıy shyǵarmashylyq konkýrstardan ótti", dep túsindirdi Almaty qalasy bilim Basqarmasynyń Tehnıkalyq jáne kásiptik oqytý (TjKB) bóliminiń basshysy Áset Muhanbetov.
Jumys mamandyqtaryna qabyldaý talapkerlerdiń ótinishi boıynsha júzege asyryldy. Talapkerler arasynda oqýǵa túsýge konkýrs bolyp qalǵan jaǵdaıda ǵana attestat baǵasynyń jıyntyq baly eskerildi.
"Baıqaýdyń eń joǵarǵy kórsetkishi medısınalyq, pedagogıkalyq jáne IT baǵyttary boıynsha baıqaldy. Ortasha baıqaý nátıjesi boıynsha bir orynǵa 3-4 adamnan keldi", dedi Á.Muhanbetov.
Barlyǵy 23 680 ótinish tússe, onyń ishinde 20 571-i oqýǵa qabyldandy. Memlekettik tapsyrys boıynsha 11 219 adam, onyń ishinde "Eńbek" baǵdarlamasy boıynsha 2500 adam oqýǵa qabyldandy.