Oblysta «Qoljetimdi turǵyn úı-2020» baǵdarlamasyn júzege asyrýdyń birinshi jylynyń ózinde 430 myń sharshy metrden astam turǵyn úı paıdalanýǵa berildi. Mundaı qarapaıym halyq úshin tıimdi baǵdarlamaǵa bıýdjettiń qarjysymen qatar, turǵyndar men memlekettik emes sektordyń kásiporyndary da úles qosqan.
Mine, turǵyn úı qurylysyn salýda osyndaı ilgerileýshilik bolǵanyna qaramastan, baspana máselesi áli ózekti bolyp qalýda. Ásirese, úlken ómirge jańa qadam basqan jas otbasylar «oı-hoı meniń, óz úıim» bolsa degen úmitpen
Oblysta «Qoljetimdi turǵyn úı-2020» baǵdarlamasyn júzege asyrýdyń birinshi jylynyń ózinde 430 myń sharshy metrden astam turǵyn úı paıdalanýǵa berildi. Mundaı qarapaıym halyq úshin tıimdi baǵdarlamaǵa bıýdjettiń qarjysymen qatar, turǵyndar men memlekettik emes sektordyń kásiporyndary da úles qosqan.
Mine, turǵyn úı qurylysyn salýda osyndaı ilgerileýshilik bolǵanyna qaramastan, baspana máselesi áli ózekti bolyp qalýda. Ásirese, úlken ómirge jańa qadam basqan jas otbasylar «oı-hoı meniń, óz úıim» bolsa degen úmitpen turmys taýqymetin tartyp kele jatqany shyndyq. О́ńirdegi turǵyndardy turǵyn úımen qamtamasyz etý máselesiniń oblystyq máslıhat depýtattary jáne oqý oryndary basshylary, oqytýshylar, basqa da jurtshylyq qatysqan jıynda keńinen áńgime bolýy da sondyqtan. Turǵyndar úshin kúrmeýi qıyn másele týraly «Turǵynúıqurylysjınaqbanki» AQ Aqtóbe fılıalynyń dırektory Gúlnár Dabylova baıandap, bank ustanǵan turǵyn úı qurylys jınaq júıesi ózi qurylǵannan bergi 10 jyl ishinde memleketimizdegi turǵyn úı saıasatynda tıimdi quralǵa aınalyp úlgergenin jetkizdi. Osy ýaqyt aralyǵynda 420 myń qazaqstandyq 883 mıllıard teńge somasyna turǵyn úı qurylys jınaǵy týraly kelisimshart jasaǵan, 173 mıllıard teńgeden astam soma zaımǵa berilgen.
Aqtóbe oblysy fılıalynda byltyr 1 qańtarda 17 179 salymshy bolsa, bıyl osy ýaqytta 22 myńnan asyp-jyǵylypty. Onyń aıtýynsha, qazir oblystyń 25 myńnan astam turǵyny osy banktiń salymshylary eken. Sońǵy eki-úsh jyldyń ishinde salymshylardyń sany úsh ese artqan kórinedi. Tutynýshylardyń senimine ıe bolǵan bank júıesiniń 50h50 negizgi qaǵıdaty boıynsha kerekti somanyń jartysyn esep-shotta jınaqtaý qajet te, qalǵan jartysyn bank beredi eken. Osyǵan saı bank qazirgi tańda «Bastaý», «О́rken», «Kemel», «Bolashaq» dep atalatyn tarıftik josparlaryn usynyp otyr. Bul josparlardyń birin tutynýshy óz múmkindigine qaraı tańdap alady. Aqtóbelik fılıalda 10 mıllıard teńgeden astam somaǵa depozıt bar. «Turǵynúıqurylysjınaqbanki» klıentterine baspanaly bolýdyń ártúrli tásilderin usynady.
Elimizde byltyrdan bastap «Qoljetimdi turǵyn úı-2020» baǵdarlamasy engizilip, turǵyndar osy arqyly páter alýǵa talpynyp júr. Fılıal dırektory Gúlnár Dabylova atalmysh baǵdarlama týraly da júıeleı áńgimeledi.
– «Qoljetimdi turǵyn úı-2020» baǵdarlamasy turǵyn úı qurylys jınaq júıesi arqyly eki baǵytta júzege asyrylady. Turǵyn úıler barlyq turǵyndarǵa jáne jas otbasylarǵa arnap salynady. Qazir «Turǵynúıqurylysjınaqbanki» arqyly jas ereksheligine qaramastan, tabys kózi bar, jumys isteıtin ár adam elimizdiń kez kelgen aýmaǵynan úı satyp ala alady. Ol úshin bank salymshylaryna usynylatyn tarıfter boıynsha uzaq merzimge jalǵa alyp, keıin tólep qutylý, úsh jyl nemese odan da kóp merzim boıy banktegi shotyna qarajat jınaqtaý, baspana qunynyń 50 paıyzyn shotqa salyp, qalǵan 50 paıyzyn nesıege alý nemese eshqandaı jınaq aqshasyz páter qunynyń 70 paıyzyn bankten 10 paıyzdyq ústememen nesıege alý sııaqty jeńildikterdi qoldanýǵa múmkindik bar. Banktiń Aqtóbe oblystyq fılıalynda quramynda 18 agenti bar úsh komanda halyq arasynda jumys isteıdi, – dedi ol.
Oblys ortalyǵyndaǵy «Nur Aqtóbe» turǵyn úı shaǵyn aýdanynda «Qoljetimdi turǵyn úı-2020» baǵdarlamasyna qatysýshylarǵa arnalǵan úıler salynýda. Qazirgi tańda bank «Nur Aqtóbe» shaǵyn aýdanyndaǵy toǵyz qabatty úılerden páter satyp alýshylarǵa pýl uıymdastyryp otyr. Buǵan deıin atalǵan baǵdarlama aıasynda «Bolashaq» jáne «Batys» shaǵyn aýdandarynda toǵyz qabatty úsh úıdegi 393 páterge pýl uıymdastyrylyp, nesıeler berilip, bıýdjetke 2,3 mıllıard teńge aýdarylǵan.
Byltyr «Qoljetimdi turǵyn úı-2020» baǵdarlamasyn júzege asyrý úshin respýblıkalyq bıýdjetten 1 938,8 mıllıon teńge qarajat bólingen. Bıyl jalpy kólemi 47 860,1 myń sharshy metr bolatyn barlyǵy 684 páter paıdalanýǵa beriletin kórinedi.
Aqtóbe qalasynda «Samuryq-Qazyna» jyljymaıtyn múlik qory «Oksı Bıld» seriktestigimen birigip, «Iýnı Sıtı» turǵyn úı keshenin salyp jatyr. Jalpy, kólemi 26,0 myń sharshy metr bolatyn turǵyn úı osy jyly paıdalanýǵa berilýi kerek. Onyń bir sharshy metri 144,0 myń teńge turady.
Jıynda qoljetimdi turǵyn úıge qatysty týyndaǵan ózekti máseleler sóz boldy. Sonyń ishinde baǵdarlama boıynsha baspanany qalaı alýǵa bolatyny, «Turǵynúıqurylysjınaq banktegi» esepshottardy satýǵa tosqaýyl qoıylǵandyǵy jáne basqa jaıttar túsindirildi.
Satybaldy SÁÝIRBAI,
«Egemen Qazaqstan».
Aqtóbe oblysy.