Sankt-Peterbýrg bıligi COVID-19-ben kúres úshin qosymsha stasıonarlar ashýǵa májbúr boldy, dep habarlaıdy Egemen.kz.
Semashko atyndaǵy № 38 kópbeıindi aýrýhana ınfeksııalyq stasıonar qyzmetin atqarýǵa kóshipti. Bul jaıynda Sankt-Peterbýrg densaýlyq saqtaý komıtetiniń baspasóz qyzmeti habarlaǵan.
REGNUM agenttigi atalǵan klınıkanyń osymen ekinshi ret óz beıinin ózgertip otyrǵanyn jazady. Alǵashynda aýrýhana qabyrǵasynda 1550 pasıent emdelip shyǵyp, óz qalypty jaǵdaıdaǵy qyzmetine qaıta oralǵan mekeme eger qajet bolsa qaıtadan ınfeksııalyq stasıonarǵa aýysý múmkindigin eskergen. Sol ýaqyt týdy, klınıka ekinshi ret SARS-CoV-2 kúreske jumyldy, deıdi.
Reseı Federasııasynyń quramyndaǵy ózge aımaqtar ishinen indet taralýynda Neva boıyndaǵy ásem qala aldyńǵy orynǵa shyǵyp, ótken táýlikte 23 pasıent ómirmen qoshtasypty. Jalpy Peterbýrg boıynsha KVI-den ajal qushqandar sany 2630 adam bolyp, ólim kórsetkishi jóninen Máskeý ǵana aldynda tur.