Almaty qalasynyń ákimi Baqytjan Saǵyntaevtyń ókimimen, Prezıdent Ákimshiliginiń jáne qala máslıhatynyń kelisimi boıynsha Áset Masabaev Medeý aýdanynyń ákimi bolyp taǵaıyndaldy, dep habarlaıdy Egemen.kz qala ákimdiginiń baspasóz qyzmetine silteme jasap.
Áset Masabaev 1985 jyly týǵan. Almatydaǵy Energetıka jáne baılanys ınstıtýtynyń, Ekonomıka jáne quqyq Akademııasynyń, Máskeý qalasyndaǵy reseılik Halyqtar dostyǵy ýnıversıtetiniń túlegi.
Eńbek jolyn 2007 jyly "Almaty elektr stansııasynda" elektromonter bolyp bastady. 2008 jyldan 2010 jyldary "Naz" JShS-de bas energetık, "Almaz jáne KIýS" JShS-de tehnıkalyq dırektory boldy. 2010 jyldan 2013 jyldary Almaty qalasy Energetıka jáne kommýnaldyq sharýashylyq basqarmasynda jetekshi mamannyń mindetin atqarýshydan energııa,jylýmen qamtý bóliminiń bastyǵyna deıingi joldardan ótti.
Ár jyldary Jetisý jáne Medeý aýdandary ákimderiniń orynbasary, Almaty qalasy ákiminiń bas ınspektory, qalanyń Tabıǵı resýrstar jáne tabıǵatty paıdalaný basqarmasynyń, Energotıimdilik jáne ınfraqurylymdyq damý basqarmasynyń basshysy boldy.
2019 jyldyń sáýir aıynan bastap Almaty qalasynyń Energotıimdilik jáne ınfraqurylymdyq damý basqarmasynyń basshysy qyzmetin atqardy.