2020 jyldyń qańtar-shilde aılarynda daıyndalǵan nemese konservilengen balyq, ýyldyryq óndirisi 15,6 myń tonnaǵa jetti, bul ótken jylmen salystyrǵanda 3,1 ese kóp, dep habarlaıdy Egemen.kz energyprom.kz saıtyna silteme jasap.
О́ndiristiń shamamen úshten eki bóligi (64,2%) Atyraý oblysyna tıesili: 10 myń tonna, bul kórsetkish ótken jyldyń sáıkes kezeńimen salystyrǵanda 40,6 ese kóp.
Jetekshi úsh aımaqtyń qataryna Batys Qazaqstan (2 myń tonna, +11,7%) jáne Túrkistan (1,8 myń tonna, 957,1%) oblystary kirdi Naqtyraq aıtqanda balyq, shaıan tárizdiler men mollıýskalardy óńdeý jáne konservileý 13,6 mlrd teńgege jetti.
Eksport úlesi resýrstardyń 16,8% qurady: 11,3 myń tonna balyq, ótken jylmen salystyrǵanda 19,7% az. Tamyz aıynda balyq pen teńiz ónimderiniń baǵasy ótken jyldyń tamyzymen salystyrǵanda 12,4% ósti. Baǵanyń edáýir qymbattaýy Qyzylorda (18%), Pavlodar (16,3%) jáne Qaraǵandy (15,9%) oblystarynda baıqalady.
Muzdatylǵan balyq 14,1%, balǵyn nemese salqyndatylǵan balyq 13%, tuzdalǵan jáne ystalǵan balyq 9,9% qymbattady. Balyq konservileriniń ishinde delıkatester 11,1%, delıkates emes balyq ónimderi 10,5% qymbattady.