Bilim jáne ǵylym mınıstrliginiń uıymdastyrýymen «HHI ǵasyrdaǵy daǵdy men iskerlik» taqyrybynda talqylaý bolyp ótti. Onlaın rejimde ótken sharaǵa kásiptik-tehnıkalyq bilim berý salasynyń mamandary, kolledj oqytýshylary men túlekteri, sondaı-aq óndiris oryndarynyń ókilderi qatysty.
Tehnıkalyq jáne kásiptik bilim departamentiniń dırektory Nasymjan Ospanova jańa zamandaǵy jańa quzyrettilikterge toqtala kelip: «Buryn mamandardyń jazý, esepteý, aıtý qabiletterine basymdyq beriletin. Al HHI ǵasyrda mamandardyń shyǵarmashylyq, oılaý jáne problemalardy sheshe bilý, ózgeristerge daıyn bolý qabileti aldyńǵy qatarǵa shyqty. Sondyqtan biz jańa kadr daıarlaýda jańa zamannyń osyndaı talaptaryn eskerýimiz kerek», dedi.
«APEC PetroTechnic» joǵary kolledji» JShS dırektory Janarbek Jarylǵasynov ózi basshylyq etetin oqý ornynyń munaı-gaz salasyna qatysty 8 mamandyq boıynsha kadrlar daıarlaıtynyn aıtty.
«Bizdiń kolledjde álemdik praktıkaǵa saı barlyq oqytý prosesi aǵylshyn tilinde júrgiziledi. Biz stýdentterimizdiń kommýnıkasııalyq daǵdylardy ıgerýine, synı oılaý, problemanyń sheshimin taba bilý, ujymda jumys isteý qabiletterin qalyptastyrýǵa basa mán beremiz. Dýaldy oqytý júıesi tolyǵymen engizilgen, ıaǵnı stýdentter kolledj qabyrǵasynda áýeli teorııalyq bilim alady, keıin sol jıǵan bilimin óndiriste qoldanýǵa mashyqtanady. Iri óndiristik oryndarymen, munaı-gaz kompanııalarymen áriptestiktiń nátıjesinde kadrlardy kásibı turǵyda suranysqa ıe maman etip daıarlaýǵa múmkindik alyp otyrmyz. Jyl saıynǵy kórsetkish boıynsha túlekterimizdiń 90 paıyzy jumys tabady. Biraq bıylǵy pandemııa bizge de kesirin tıgizdi, joǵarydaǵy kórsetkish 15 paıyzǵa tómendedi. Túlekterimiz ýaqyt joǵaltpaý úshin joǵary oqý oryndaryna tústi», dedi J.Jarylǵasynov.
Al elordadaǵy polıtehnıkalyq kolledjdiń túlegi Arman Shapaevtyń aıtýynsha, óndiriske qajetti mamandardy ǵana emes, sol mamandardy oqytatyn oqytýshylardy da árdaıym jańa zamanǵa saı shyńdap, qaıta daıarlap otyrý kerek.
«Bul úshin oqý oryndary kásiporyndar men kásipkerlik qaýymdastyq arasynda tyǵyz baılanys ornatýy qajet. Aıtalyq daıyn kadrlardyń kóbi oqýyn bitirgennen keıin ózin óndiristen izdep júredi. Bul – ýaqyt joǵaltý. Olar ózderiniń maman retindegi ornyn sol oqý ornynda bilim alyp jáne óndiriste praktıkadan ótip júrgende tabýy tıis. Máselen, IT mamandyǵynda oqyp júrgen stýdent dızaıner bolǵysy keletin shyǵar. Mamandyqtyń aıasy keń ǵoı, oń-solyn tolyq tanymaǵan stýdentke óndiriste ózin tabý qıyn. Sondyqtan oqý oryndary men ondaǵy oqytýshylar stýdentterdi qabiletine qaraı baǵyttap oqytqany jón», deıdi A.Shapaev.