Qorǵanys mınıstrligi Almaty fılıalynyń áskerı-tehnıkalyq mektebinde kýrsanttar úsh aılyq oqýdy támamdady, dep habarlaıdy Egemen.kz.
Jas aralyqtary 18 ben 24 jasty quraıtyn jastar «V», «S» sanatyndaǵy jáne «S1 «kishi sanattaǵy kólik quraldarynyń júrgizýshisi» baǵdarlamasy boıynsha oqýdan ótti.
«Qazirgi tańda 30 túlekke sertıfıkat tabys etildi. Jol qozǵalysy erejeleri men tájirıbelik júrgizý boıynsha emtıhandy sátti tapsyrǵandar júrgizýshi kýálikterine ıe boldy. Bul mamandyq áskerde qyzmet etkennen keıin de suranysqa ıe bolady», – dep áskerı-tehnıkalyq mektep fılıalynyń dırektory polkovnık Mıras Jılgıldın óz jańalyǵymen bólisti.
Qorǵanys mınıstrligi «Barshaǵa arnalǵan tegin kásiptik-tehnıkalyq bilim berý» jobasyn 2017 jyldan beri júzege asyryp keledi. Kadrlardy daıarlaý Qarýly Kúshterdi jasaqtaý qajettiligine sáıkes 16 áskerı-tehnıkalyq mamandyq boıynsha óteýsiz negizde júrgiziledi. Mektep tárbıelenýshilerin qorǵanys vedomstvosynyń esebine turyp, tamaqpen jáne kıim-keshekpen qamtamasyz etedi.
Oqýdan keıin kýrsanttar áskerge shaqyrylyp, áskerı bólimderge bólinedi.