Koronavırýs pandemııasy men klımat ózgerýi–álem aldynda turǵan eki mańyzdy problema dedi BUU Bas hatshysy Antonıý Gýterresh PBS telekompanııasyna 20 qyrkúıekte bergen suhbatynda.
Álemdi júrisinen jańyldyrǵan jańa vırýspen kúreste vaksına shyǵarýda kóptegen memleketterdiń daıarlyqtary baryn, alaıda olar onymen óz eliniń halqyn ǵana qamtyǵysy keledi, degen Bas hatshy vaksına álem jurtshylyǵyna qoljetimdi bolýy tıis degen. Ekinshi problema, atmosferaǵa kómirqyshqyl gazynyń kóptep bólinýine alańdaýshylyǵyn bildirgen Antonıý Gýterresh 2050 jylǵa deıin aýa lastanýyn azaıtýdyń adamzat aldyndaǵy asa mańyzdy mindetiniń biri ekenin aıtqan. Sondaı-aq álemdegi eki alpaýyt memleket – AQSh pen Qytaı arasyndaǵy ekonomıkalyq teketirestiń de jaǵymsyz áserine toqtaldy.