Qus tumaýy SQO-dan bólek Aqmola, Qostanaı jáne Pavlodar oblystarynda da tirkeldi, dep habarlaıdy Egemen.kz.
7 aýdan men birneshe eldi mekenderden qus ónimderin eksporttaýǵa tyıym salynyp, shekteý sharalary engizildi.
Atalǵan óńirdiń 30-ǵa tarta eldi mekeninde úı qustary qyrylyp qalǵan. Tek qana Besól qus fabrıkasynda shyǵynǵa ushyraǵan qus sany 41 myńnan asyp ketken.
"19-21 qyrkúıek aralyǵynda "Beskól" qus fabrıkasynda 41 myńǵa tarta qus qyryldy. Aqmola oblysy týraly aıtar bolsaq, 5 aýdannyń 9 aýylynda qustyń qyrylý faktisi tirkeldi. Jalpy 286 qus óldi. Tıisinshe 19 qyrkúıekten bastap Aqmola oblysynyń Jarqaıyń aýyldyq okrýginen qus ónimderin syrtqa shyǵarýǵa ýaqytsha tyıym salyndy. Odan bólek, Qostanaı oblysynyń 6 aýdanynda osyndaı jaǵdaı tirkelip, ol jaqtarda 505 qus qyryldy", dedi QR Aýyl sharýashylyǵy vıse-mınıstri Gúlmıra Isaeva.
Aıta keteıik, Soltústik Qazaqstanda tirkelgen qus tumaýy adamdarǵa qaýipti emes.